Խրախճանք ժանտախտի ժամանակ. նոր շքեղություն բյուջեի հաշվին

Ազգային ժողովի իշխող Իմ Քայլը ֆրակցիան որոշել է փոփոխություններ կատարել ԱԺ կանոնակարգ օրենքը եւ մշտական հանձնաժողովներին խորհրդականի մեկ հաստիք էլ ավելացնել: Այժմ հանձնաժողովներն ունեն մեկ օգնականի, մեկ խորհրդականի եւ փորձագետի հաստիք, իշխանության պատգամավորների կարծիքով եւս մեկ՝ հատուկ խորհրդականի հաստիք է պետք, որը կվերցի քաղաքական գործառույթներ եւ կվարձատրվի բարձր՝ 6 գործակցո, համեմատության համար հիշեցնենք, որ պատգամավորների աշխատավարձի գործակիցը 12-ն է, այսինքն նրանց կիսով չափ: Ու որպեսզի բյուջեի վրա այս շքեղությունն արդարացված համարվի կանոնակարգ օրենքում փոփոխություններով առաջարկում են մեծացնել հանձնաժողովի լիազորությունների շրջանակը:

Մխիթար Հայրապետյանը , որը նախագծի հիմնական զեկուցողն էր մանրամասնեց ավելացվող գործառույթները, այն է՝ յուրաքանչյուր տարվա դեկտեմբեր ամսվա ընթացքում հանձնաժողովը իր որոշմամբ, ըստ բնագավառների հրավիրում է կառավարության ներկայացուցիչներին ընդունված նորմատիվ իրավական ակտերի իրականացման ապահովման վերաբերյալ հաշվետվություն ներկայացնելու նպատակով:

Յուրաքանչյոր տարի նաեւ ներկայացնում եզրակացություններ կառավարության կողմից նախորդող տարվա ընթացքում կառավարության ծրագրի մշտական հանձնաժողովի իրավասությանը վերաբերող բնագավառների կատարողականի վերաբերյալ, ապա հանձնաժողովի կատարած աշխատանքի վերաբերյալ ամփոփ հաշվետվություն, որը ներառում է խորհրդարանական լսումներ:
Նախագիծը եւ ընդդիմադիրների սրտով չէր եւ գործադիրի ներկայացուցիչ, արդարադատության փոխնախարար Վահե Դանիելյանի: Ընդդիմադիր պատգամավորները նկատեցին, որ առանց այն էլ ԱԺ աշխատակզմն ուռճացված է եւ եթե լիազորությունների ավելացման մասին է խոսքը, ապա ինչու իշխանությունը թույլ չի տալիս ենթադրենք ֆրակցիաներին մեկից ավելի լսումներ հրավիրելու հնարավորություն տալ, նման նախագիծ ներկայացրել են ԲՀԿ-ական եւ ԼՀԿ-ական պատգամավորները: Այն ի տարբերություն այս մեկի ծախսատար չէ եւ բյուջեի վրա բեռ չի նախատեսում, բացի այդ պարգեւավճարներ են տրվում բոլորին, եթե հանձնաժողովների աշխատանքները արդյունավետ չեն, ապա ինչու են այս շրջանակի աշխատակիցները պարգեւավճար ստանում: Փոխնախարար Վահե Դանիելյանը հիշեցրեց, որ առանց այն էլ պետական համակարգն ուռճացված է, եւ կառավարության ծրագրով խոստացել են կրճատել այն:
Դանիելյանը ասաց, որ առաջարկը ն խնդրահարույց է հատկապես համաճարակի պայմաններում , պետական բյուջեի վրա ծախս է լինելու: Բայց Մխիթար Հայրապետյանը հեգնեց թիմակցին, թե չէին էլ սպասում, որ պետք է ծափերով ընդունեն այնպիսի գործիքաշարի ներդնումը, որով գործադիրին հավելյալ վերահսկելու հնարավորություն են ստանալու: Մխիթար Հայրապետյանն, անշուշտ, Նիկոլ Փաշինյանի շկոլան լավ է յուրացրել եւ մանիպուլացնում է պարզ իրողությունները, առանց ռեսուրսի էլ կարելի է վերահսկողություն իրականացնել, բայց խնդիրն այստեղ խորհրդականներ ունենալն է, որոնք իրենց փոխարեն կաշխատեն եւ օրենքներ կգրեն: Թքած որ երկիրը կքել է համավարակի բերած խնդիրների տակ, որի թիվ մեկ պատասխանատուն իրենք՝ իշխանություններն են:

Անի Սահակյան