Առցանց ասուլիս. «Գեղեցկությունը կփրկի՞ կորոնավիրուսի համավարակից» Հունիսի 4-ին, ժամը 12: 00-ին Sputnik Արմենիա մուլտիմեդիոն մամուլի կենտրոնում տեղի կունենա «Միսս Հայաստան 2020» մրցույթի կազմկոմիտեի ղեկավար Մամիկոն Դանիելյանի և կազմկոմիտեի անդամ Աննա Դեմիրխանյանի ԱՌՑԱՆՑ ասուլիսը: Ասուլիսի թեման «Միսս Հայաստան 2020» գեղեցկության մրցույթի մեկնարկն է: Ինչպե՞ս նման մրցույթ կազմակերպել և անցկացնել համավարակի պայմաններում: Մամուլի ասուլիսը կհեռարձակվի նաև Sputnik Արմենիայի ֆեյսբուքյան էջում և YouTube-ում: Լրագրողները կարող են հարցերն ուղղել առցանց։ Հարգելի գործընկերներ, ևս մեկ անգամ ընդգծում ենք՝ ասուլիսը առցանց է, այլ կերպ՝ հեռավար, ուստի մամուլի կենտրոնում թղթակիցների, ֆոտո և տեսանկարահանող աշխատակիցների ներկայության անհրաժեշտությունը կամ կարիքը չկա, և վերջապես՝ ուղղակի չի թույլատրվում: Առողջ եղեք: Հեռ.` +374(98)180-626, +374(91)42-12-35։