Ռոբերտ Քոչարյանը կմնա կալանքի տա՞կ, թե՞ ազատ կարձակվի․ դատարանը հրապարակում է որոշումը. ուղիղ

Երևանի ընդհանուր իրավության դատարանը հրապարակում է Հայաստանի երկրորդ նախագահ Ռոբերտ Քոչարյանի խափանման միջոցի վերաբերյալ որոշումը։

Քոչարյանին անձնական երաշխավորությամբ ազատ արձակելու միջնորդություն էին ներկայացրել Հայաստանի նախկին վարչապետներ Վազգեն Մանուկյանը, Խոսրով Հարությունյանը, Կարեն Կարապետյանը, ինչպես նաև Արցախի նախկին վարչապետ Անուշավան Դանիելյանը։

Բացի նախկին վարչապետների միջնորդությունից, երկու միջնորդություն էր ներկայացրել Ռոբերտ Քոչարյանի փաստաբանական խումբը։ Դրանցից մեկը իրենց պաշտպանյալի առողջական վիճակը հաշվի առնելով խափանման միջոցը փոխելու, մյուսը՝ գրավի դիմաց Ռոբերտ Քոչարյանին ազատ արձակելու մասին էր։

Երեկ Քոչարյանի գրասենյակը տեղեկացրեց, որ սահմանադրական կարգը տապալելու համար մեղադրվող Հայաստանի երկրորդ նախագահը վիրահատվել է։