Ինձ հետ շփվող ՔԿՀ աշխատակիցների մեծ մասը երիտասարդներ են, որոնք կարող են անսիմպտոմ տանել կորոնավիրուսը․ Քոչարյան (video)

ՀՀ երկրորդ նախագահ, «Մարտի 1»-ի գործից առանձնացված մասով գործով ամբաստանյալ Ռոբերտ Քոչարյանն այսօրվա դատական նիստին պատասխանեց նախագահող դատավոր Աննա Դանիբեկյանի հարցերին՝ կորոնավիրուսի շրջանակներում:

Աննա Դանիբեկյանի հարցին, թե բանտախցում այլ անձինք կա՞ն, թե՝ ոչ, Ռոբերտ Քոչարյանն ասաց, որ խցում մենակ է` իր ցանկությամբ, բայց քրեակատարողական հիմնարկում կորոնավիրուսից պաշտպանվելու պայմաններ չկան. «Ընդհանրապես աշխատողներն աշխատում են մեկ օր, երեք օր ազատ են։ Ոչ ոք չի կարող ասել՝ աշխատանքային օրերից դուրս ինչով են զբաղվում։ 90 տոկոսն երիտասարդ են, սա նշանակում է, որ հիսուն տոկոսը վարակվելու դեպքում ասիմպտոմիկ են, եւ մարդ կարող է աշխատել, լինել եւ վարակակիր, տարիքը մոտ 22-35 տարեկան։ Հիմա ես խցում մենակ եմ՝ իմ ցանկությամբ, բայց շփում ունեմ անձնակազմի կա, ուղղակի հնարավոր չէ այդ շենքային պայմաններում հեռավորություն պահպանել»։