Ռուս-թուրքական ներկայիս հարաբերությունները ձեռնտու չեն Ադրբեջանին
The Business Year-ին տված հարցազրույցի ժամանակ Ադրբեջանի արտգործնախարար Էլմար Մամեդյարովը հայտարարել է, որ Ռուսաստանի ու Թուրքիայի միջև հարաբերություններում տիրող իրավիճակը ոչ մի կերպ ձեռնտու չէ Ադրբեջանին: «Մեր հարաբերությունները բոլոր ոլորտներում դինամիկ են զարգանում ինչպես Թուրքիայի, այնպես էլ Ռուսաստանի հետ, և Ադրբեջանը հատուկ ուշադրություն է հատկացնում երկու երկրների հետ կապերի խորացմանը։ Թուրքիայի հետ Ադրբեջանի հարաբերությունները կրում են «ռազմավարական դաշնակցի» բնույթ, իսկ Ռուսաստանի հետ՝ «ռազմավարական գործընկերոջ» բնույթ, և ունեն պատմական արմատներ»: Մամեդյարովն ափսոսանք է հայտնել, որ ինքնաթիռի խոցման միջադեպը բացասաբար է ազդել ռուս-թուրքական հարաբերությունների վրա. «Ավելորդ է ասել, որ թե՛ Թուրքիան, թե՛ Ռուսաստանը կարևոր դեր են խաղում Հարավային Կովկասի տարածաշրջանում ու նրա սահմաններից դուրս անվտանգության ու կայունության պահպանման հարցում։ Ադրբեջանը նախկինի նման շահագրգռված է երկու երկրների հետ հարաբերությունների ամրապնդմամբ։ Մենք հուսով ենք, որ համատեղ ջանքերի միջոցով, երկխոսության ու փոխըմբռնման ճանապարհով կհասնենք Թուրքիայի ու Ռուսաստանի միջև հարաբերությունների կարգավորմանը»։
Հետևեք մեզ Viber-ում
