Հանդիպել են Սերժի Վաչոն եւ Գագիկ Խաչատրյանը. ինչ ունեին նրանք քննարկելու. armtimes.com
Շաբաթ օրը կեսօրին «Yans» ակումբի մոտ տեղի է ունեցել Ֆինանասների նախկին նախարար Գագիկ Խաչատրյանի եւ Սերժ Սարգսյանի թիկնազորի պետ Վաչե Ղազարյանի (Սերժի Վաչո) հանդիպումը:Ականատեսի վկայությամբ նրանք երկար զրուցել են, վերջում ողջագուրվել եւ հրաժեշտ են տվել միմյանց:Ըստ որոշ գնահատականների` Գագիկ Խաչատրյանի եւ Սերժի Վաչոյի հանդիպումը երկու պատճառ կարող է ունենալ: Հնարավոր է Գագիկ Խաչատրյանը ցանկանում է կրկին պորտֆել ստանալ առաջիկայում ձեւավորվելիք կառավարությունում, եւ Սերժ Սարգսյանի թիկնազորի պետին խնդրել է լոբբինգ անել իր օգտին: Ի դեպ, Խաչատրյանի՝ կառավարություն վերադառնալու մասին լուրեր վերջերս հաճախ են հայտնվում համացանցում եւ վարկած կա, որ այդ լուրերը հայտնվում են հենց Գագիկ Խաչատրյանի աջակցությամբ: Այնուամենայնիվ, եթե Սերժ Սարգսյանը որոշի կառավարությունում Գագիկ Խաչատրյանին պորտֆել տալ, դրա հեռահար նպատակը կարող է լինել վարչապետ Կարեն Կարապետյանին թուլացնելը, որովհետեւ վերջինս իրեն անհամատեղելի է համարում Գագիկ Խաչատրյանի հետ: Ի դեպ, Խաչատրյան-Ղազարյան հանդիպման հաջորդ վարկածը բիզնեսային հարցերն են: Ասում են, որ Խաչատրյանի պաշտոնանկությունից հետո նրա ընկերություններում ինչ-որ բարձրաստիճան անձինք են փայ մտել, բիզնեսները նրանից մաս-մաս խլելու նպատակով: Հնարավոր է Խաչատրյանը փորձում է կանգնեցնել այս վտանգավոր գործընթացը: