Էրդողանը Հնդկաստան է մեկնում մեղքի բեռով.New Indian Express
New Indian Express պարբերականի հոդվածում, որը հրապարակվել է Թուրքիայի նախագահ Ռեջեփ Թայիփ Էրդողանի Հնդկաստան այցի նախօրեին,որը տեղի կունենա մայիսի 1-ին, ասված է.Հնդկաստանի փոխնախագահ Համիդ Անսարիի՝ Ծիծեռնակաբերդում Հայոց ցեղասպանության զոհերի հիշատակի հուշահամալիրին ծաղիկներ դնելով, Հնդկաստանը ուղերձ է հղել Թուրքիային՝ ցուցաբերելով իր արտաքին քաղաքականության ուժը՝ հաշվի առնելով այն, որ Անկարան աջակցում է Քաշմիրի հետ կապված Պակիստանի քաղաքականությանը։ «Հայաստան այցի ընթացքում Անսարին այցելել է Հայոց ցեղասպանության հուշահամալիր եւ հայտարարել: Դա ողբերգություն է։ Մարդիկ աննկարագրելի արարքներ են կատարել այլ մարդկանց նկատմամբ: Ճանաչելով Հայոց ցեղասպանությունը՝ Նյու Դելին սադրում է Անկարային», - նշում են հեղինակները։ Անկարայի համար երկրորդ ազդանշանը Կիպրոսի նախագահ Նիկոս Անաստասիադիսի այցն է, «որի համար Հնդկաստանը կարմիր գորգ էր փռել, եւ հազիվ թե նախագահ Էրդողանն անտեսի դա»։ Բացի այդ, Հնդկաստանի վարչապետ Նարենդրա Մոդին հաստատել է Հնդկաստանի աջակցությունը Կիպրոսի ինքնիշխանությանը,ասված է հոդվածում:
Հետևեք մեզ Viber-ում
