Խախտվել է ԵՏՄ պայմանագիրը. խայտառակ պատկեր ՀՀ պետական բյուջեում

Կառավարությունը հավանություն է տվել 2016 թվականի պետական բյուջեի կատարման տարեկան հաշվետվությունը հաստատելու մասին» որոշման նախագծին: Ըստ այդմ՝  ՀՀ 2016թ. պետբյուջեի կատարման տարեկան հաշվետվությունը եկամուտների գծով կազմել է 1տրիլիոն 171մլրդ ՀՀ դրամ, ծախսերի գծով` 1 տրիլին 449 մլրդ  ՀՀ դրամ, բյուջեի դեֆիցիտը` 278 մլրդ  ՀՀ դրամ: Գործադիրն ընդունել է նաև «ՀՀ պետբյուջեի կատարման նկատմամբ հսկողության 2016թ. տարեկան արդյունքների վերաբերյալ հաշվետվության մասին» որոշում: ՀՀ ֆինանսների նախարարության ֆինանսաբյուջետային վերահսկողության տեսչությունը ստուգումներ է իրականացրել նաև ՀՀ վարչապետի համապատասխան հանձնարարականների հիման վրա, որոնք միտված են եղել բացահայտել տնտեսության առանձին ոլորտներում առկա հիմնախնդիրները և պետական ռեսուրսների օպտիմալ օգտագործման պայմաններում գտնել դրանց լուծման լավագույն ուղիները: Ֆինանսների նախարար Վարդան Արամյանը, ներկայացնելով նախորդ տարվա բյուջեի ցուցանիշները, հայտարարել է, որ մուտքերի հավաքգրումը թերակատարվել է, չնայած որ  հարկեր-ՀՆԱ ցուցանիշը նարխորդ տարի աճել է 0.4 տոկոսային  կետով: Փոխարենը, ինչպես նշել է  նախարար, նախորդ տարի գերակատարվել է պակասուրդը՝ կազմելով  ՀՆԱ-ի 5.5 տոկոս: Նախորդ տարվա բյուջեի կատարողականի կառուցվածքում արժանահիշատակը  փաստորեն բյուջեի դեֆիցիտն է, որը  կազմել է 278 մլրդ դրամ` պլանավորված 180 մլրդի փոխարեն: Արդյունքում բյուջեի դեֆիցիտը կազմում է ՀՆԱ-ի 5,5 տոկոսը, ինչը հակասում է ԵՏՄ-ի մասին պայմանագրի 63-րդ հոդվածին, համաձայն որի բյուջեի դեֆիցիտը չի կարող գերազանցել ՀՆԱ-ի 3 տոկոսը: ԵՏՄ պայմանագրի հիշատակված հոդվածում սևով սպիտակի վրա գրված է. «Անդամ պետությունները տնտեսական քաղաքականությունը ձևավորում են տնտեսական զարգացման կայունությունը որոշող հետևյալ մակրոտնտեսական ցուցանիշների քանակական արժեքների շրջանակներում՝ պետական կառավարման հատվածի համախմբված բյուջեի տարեկան պակասուրդը չի գերազանցում համախառն ներքին արդյունքի 3 տոկոսը, պետական կառավարման հատվածի պարտքը չի գերազանցում համախառն ներքին արդյունքի 50 տոկոսը »: Փաստացի ունենք կոնկրետ իրավիճակ, երբ խախտվել է ԵՏՄ պայմանագիրը, հետևաբար այդ կառույցի ղեկավարությունը պարտավոր է քայլեր ձեռնարկել այդ խախտումը վերացնելու ուղղությամբ:  Տվյալ պարագայում իրավիճակը հնարավոր կլինի շտկել այն դեպքում, երբ Հայաստանի տնտեսության կայունությանն  ուղղված  միջոցառումներ իրականացվեն: Սակայն այդ մասին կառավարության ընդունած որոշման մեջ խոսք անգամ չկա:   Արման Վարդանյան