Աշխարհում նավթային նոր հսկա է ի հայտ եկել

Անգլո-հոլանդական նավթային Royal Dutch Shell կոնցեռնը եւ բրիտանական նավթագազային BG Group plc ընկերությունն ավարտել են միաձուլման գործընթացը, տեղեկացնում է Shell-ը: Այսպիսով, նոր ընկերություն է ի հայտ եկել, որըն իր շուկայական արժեքով նավթագազային համաշխարհային շուկայում երկրորդ խաղացողը կդառնա: «Փետրվարի 15-ից BG Group-ը Royal Dutch Shell-ի մաս է կազմում… Դա Shell-ի համար շատ կարեւոր պահ է: Այդ ձուլումը համաշխարհային դասի երկու պորտֆոլիո է միավորել ավելի մրցունակ ընկերություն ստեղծելու համար: Մենք տարբեր երկրներում, ներառյալ Բրազիլիան եւ Ավստրալիան, նավթագազի արտադրության նախագծեր ենք ձեռք բերել եւ կկարողանանք ավելի պարզ եւ տնտեսապես արդյունավետ ընկերություն ձեւավորել», — մեկնաբանել է Shell-ի ղեկավար  Բեն վան Բերդենը, տեղեկացնում է «ՌԻԱ Նովոստին»: Ինչպես միաձուլման վերաբերյալ համաձայնության ձեռք բերումից հետո հայտնել է  Shell-ը,  BG-ի ձեռք բերումը 25 տոկոսով կմեծացնի Shell-ի նավթի եւ գազի ապացուցված պահուստները: