Թուրքիայի ափերի մոտ խորտակվել է ռուսական «Լիման» հետազոտական նավը

Սև ծովում՝ Թուրքիայի ափերի մոտ, «Լիման» ռուսական ռազմածովային ուժերի հետազոտական նավը բախվել է բեռնատար նավի, որի վրա եղել է Տոգոյի դրոշը: Ինչպես հաղորդում է Reuters գործակալությունը, «Լիման»-ը բախվել է Youzarsif H նավին մառախուղի և վատ տեսանելիության պատճառով:Բախումը տեղի է ունեցել Սեւ ծովի հարավարեւմտյան մասում՝ Բոսֆորից 40 կիլոմետր հյուսիս­արեւմուտք ընկած շրջանում: Միջադեպի հետեւանքով «Լիման»­ը ճեղքվածք է ստացել: «Սեւծովյան նավատորմի «Լիման» հետազոտական նավի անձնակամի բոլոր անդամները ողջ ու առողջ են, եւ ներկայում նախապատրաստվում է թուրքական փրկարար նավից նրանց տարհանումը ռուսական նավ»,-­ասված է ՌԴ պաշտպանության նախարարության հայտարարության մեջ: