Կանգառների ներկայիս իրավիճակը Սոդոմ -Գոմոր է հիշեցնում. «Երկիր ծիրանի» կուսակցության ներկայացուցիչ
Հանրային տրանսպորտի խնդիրները Երևանում. ի՞նչ լուծումներ են առաջարկում ավագանու թեկնածուները» թեմայով քննարկման ժամանակ «Երկիր ծիրանի» կուսակցության ներկայացուցիչ Խաչատուր Խաչատրյանը նշեց, որ կանգառների ներկայիս իրավիճակը Սոդոմ -Գոմոր է հիշեցնում:«Մենք ապրում ենք 21–րդ դարում կանգառներում պետք է լինի գրաֆիկ, որ օրինակ ես, որ վարորդին չհարցնեմ, սրան նրան չհարցնեմ, գրաֆիկ լինի, նայեմ՝ ուր է բարձրանում, որ ժամերին, բայց պետք է, որ չվացուցակն աշխատող լինի»,-շեշտեց նա: «Ելք» դաշինքի ավագանու թեկնածու Դավիթ Խաժակյանն էլ նշեց, որ պետք է հրաժարվել գազելներից: «Ելք» խոստանում է նաև մետրոյի նոր կայարան. «Մենք գտնում ենք, որ կարող ենք հնարավորություն ստեղծել այս հինգ տարվա ընթացքում կառուցել մետրոպոլիտենի առնվազն մեկ կայարան, այս ամբողջ ընթացքում վերանորոգվել է միայն մետրոպոլիտենի շարժակազմը, որն, ի դեպ, արվել է Եվրոպական բանկի աջակցությամբ»
Հետևեք մեզ Viber-ում
