«Վիրավորել ու զրպարտել են Գայանե Մանուկյանին». փաստաբան Հարություն Հարությունյան (տեսանյութ)

Մեկ ամիս առաջ 4news.am լրատվական կայքը գրել էր, որ Լոս Անջելեսի www.usarmenianews.com կայքի խմբագիր Գայանե Մանուկյանը հարցազրույց է տվել haqqin.az կայքին: Սակայն լրատվական հետաքննության արդյունքում ճշտվել է այն հանգամանքը, որ Գայանե Մանուկյանը հարցազրույց չի տվել ադրբեջանական կայքին: Վերջինս Երևան քաղաքի Աջափնյակ և Դավիթաշեն վարչական շրջանների ընդհանուր իրավասության դատարան հայտ է ներկայացրել ընդդեմ 4news.am լրատվական կայքի դոմեյնի սեփականատեր Լիլիթ Հովակիմյանի: Գայանե Մանուկյանը Լիլիթ Հովակիմյանին մեղադրում է զրպարտության և վիրավորելու մեջ: Մեզ հետ զրույցում Գայանե Մանուկյանի փաստաբանը՝ Հարություն Հարությունյանն, առավել մանրամասն ներկայացրել է դատական գործընթացը: