Գեղարքունիքի մարզում բախվել են գյուղապետի Volkswagen Tuareg-ն ու 50-ամյա մոտոցիկլավարի մոտոցիկլը. կա վիրավոր
Երեկ՝ ապրիլի 21-ին, ավտովթար է տեղի ունեցել Գեղարքունիքի մարզում։ Ժամը 14։10-ի սահմաններում Վարդենիս Մարտունի ավտոճանապարհի 13-րդ կմ հատվածում բախվել են Գեղարքունիքի մարզի Շատվան գյուղի բնակիչ՝ 70-ամյա Լյովա Աբրահամյանի վարած Volkswagen Tuareg մակնիշի 70 VՏ 033 համարանիշի և Կարճաղբյուր գյուղի բնակիչ՝ 50-ամյա Գնել Կարապետյանի վարած առանց համարանիշի մոտոցիկլետը։ Ինչպես հայտնում է ֆոտոլրագրող Գագիկ Շամշյանը, վթարի հետևանքով մոտոցիկլավար Գ. Կարապետյանը մարմնական վնասվածքներով տեղափոխվել է Վարդենիսի բժշկական կենտրոն։ Փաստի առթիվ Հայաստանի քննչական կոմիտեի Գեղարքունիքի մարզային քննչական վարչության Վարդենիսի քննչական բաժնում նյութեր են նախապատրաստվում։ Գ. Շամշյանի տեղեկություններով՝ վարորդներից Լ. Աբրահամյանը Շատվան գյուղի գյուղապետն է։ Ծանուցում. Ենթադրյալ հանցանքի մեջ կասկածվող կամ մեղադրվող անձը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: Լուսանկարը՝ Գագիկ Շամշյանի