Իրանական նավթով բեռնված առաջին նավն ուղեւորվել է Եվրոպա

Litasco ընկերության նավը, ընկերություն, որն իրականացնում է ԼՈՒԿՕՅԼ խմբի բոլոր մատակարարումները Ռուսաստանի սահմաններից դուրս, մեկնել է Պարսից ծոցի Հարկ կղզու թերմինալից։ Գործակալության տվյալների համաձայն՝ ԼՈՒԿՕՅԼ խումբը եւ Compania Espanola de Petroleos իսպանական ընկերությունն անցած ամսին պլանավորել էին Իրանից նավթի փոխադրումը եվրոպական երկրներ: Առաջիկա ժամերին նավեր կբեռնվեն նաեւ ֆրանսիական, իսպանական եւ չինական ընկերությունների համար, նշել է Իրանի նավթի գերատեսչության ներկայացուցիչը: Ավելի վաղ նշվել է, որ 4 մլն բարել անմշակ իրանական նավթով բեռնված նավերը, որը գնվել է Ռուսաստանի, Ֆրանսիայի եւ Իսպանիայի ընկերություններից կողմից, մեկ օրվա ընթացքում Իրանից կուղեւորվեն Եվրոպա: Press TV հեռուստաալիքը մեջբերել է երկրի փոխնախագահ Էսհակ Ջահանգիրիի հայտարարությունն այն մասին, որ Իրանն առաջիկա ամիսներին նավթի արտահանումը կավելացնի օրական մինչեւ 1,5 մլն բարել, հաղորդել է ՌԻԱ Նովոստին: