Գագիկ Սուրենյանի հեռախոսի համարը չունե՞ք.ասեք փոխանցեմ.Նիկոլ Փաշինյան/տեսանյութ

Երեւանի քաղաքապետի թեկնածու Նիկոլ Փաշինյանը երեկ անդրադարձել էր Մաշտոցի պողոտայում ստեղծված իրավիճակին, երբ համապատասխան ծառայությունները քանդել են ասֆալտը, սակայն շուրջ 1 շաբաթ է՝ չեն ասֆալտապատում՝ երթեւեկության համար ստեղծելով լուրջ դժվարություններ: Այսօր նա կրկին այցելել է պողոտա եւ ուղիղ միացմամբ հայտարարել, որ թեեւ գիշերը Մաշտոցի պողոտայում գործ են արել, բայց էլի՝ կիսատ պռատ: «Երկու լուր ունեմ, մեկը՝ լավ, մյուսը՝ ոչ այդքան։Գիշերը Երևանի քաղաքապետարանը Մաշտոցի պողոտայի՝ այդ  հատվածը ասֆալտապատել է, և դա լավ լուր է։ Իհարկե, քաղաքապետարանի պաշտոնյաները կպնդեն, որ վաղուց՝ դեռևս անցյալ տարի, էր պլանավորված, որ հենց այդ օրը՝ այդ ժամին պետք է տեղի ունենա ասֆալտապատումը, բայց այս պահին դա նույնիսկ էական չէ: Վատը հետևյալն է՝ Երևանի քաղաքապետարանը հաղորդագրություն էր տարածել, որից մենք իմանում ենք այն փիլիսոփայությունը, որով նա՝ Երևանի քաղաքապետարանը, աշխատում է։ Ես ուզում եմ ձեր ուշադրությունը հրավիրել մի փաստի վրա, երբ քաղաքապետարանն ասում է՝ այո՛, այս փոսային լցումները, ասֆալտապատումները կարող են մի քանի օր տևել։Ք աղաքապետարանը երկարաձգելու պրոցեսը կապում է նաև անձրևային եղանակների հետ։ Ժողովո՛ւրդ ջան, դուք Գագիկ Սուրենյանի հեռախոսի համարը չունե՞ք։ Եթե չունեք , ասեք՝ փոխանցենք այդ համարը։ Օդերևութաբանական ծառայությունները երբեմն նույնիսկ րոպեի ճշտությամբ ասում են՝ երբ է անձրև գալու, եղանակը երբ, ինչպիսին է լինելու։Այդ աշխատանքները պետք է հարմարեցվեն եղանակային պայմաններին»,- ասաց Նիկոլ Փաշինյանը։