Կանադացի պատգամավորը ոգեկոչել է Հայոց ցեղասպանության 102-րդ տարելիցն ու ընդգծել ճանաչման կենսական կարևորությունը (տեսանյութ)
Կանադայի Օնտարիո նահանգը ներկայացնող պատգամավոր, Հայ-կանադական խորհրդարանական բարեկամության խմբի փոխնախագահ Հարոլդ Ալբրեխտը ելույթ է ունեցել կառավարությունում Հայոց ցեղասպանության 102-րդ տարելիցի ոգեկոչման առթիվ:
Ինչպես տեղեկացնում է Կանադայի «Հայ դատի» հանձնախումբը, պատգամավորը վերահաստատել է հարգանքի, ազատության և մարդու իրավունքների պաշտպանության ընդհանուր արժեքները պաշտպանելու կենսական կարևորությունը:
«Մենք հիշում ենք 1915-ին տեղի ունեցած Հայոց ցեղասպանությունը: 20-րդ դարի առաջին ցեղասպանությունը 2002-ին ճանաչվել է Կանադայի Սենատի` խորհրդարանի վերին պալատի և 2004-ին Համայքների պալատի կողմից: Կանադահայ հայանքը դրական ազդեցություն է ունեցել Կանադայի մշակույթի, տնտեսության և հոգևոր կյանքի վրա: Հայոց ցեղասպանության ճանաչումը պետք է ոգևորի մեզանից յուրաքանչյուրին` ամեն ինչ անելու մեր ուժերի սահմաններում, որպեսզի նման սարսափելի ողբերգությունն այլևս երբեք տեղի չունենա և փոխադարձ հարգանքի կամուրջներ կառուցվեն: Այսօր հայ համայնքը նշում է Զատիկը, շնորհավորում եմ բոլորին այդ առթիվ», - ասել է պատգամավորը:
Հետևեք մեզ Viber-ում
