Համատեղ բիզնեսն ու կաթողիկոսի ուշացող խոսքը, որը լսելով Աթեշյանը իրեն կկախի
Մարտի 15–ին Ստամբուլում տեղի ունեցավ Պոլսո Հայոց պատրիարքի տեղապահի ընտրություն: Ընտրությունից հետո, որում համոզիչ հաղթանակ էր տարել Արամ Աթեշյանի հակառակորդ Գարեգին արքեպիսկոպոս Բեկչյանը, անակնկալ կերպով միջամտել էր Ստամբուլի նահանգապետարանը: Ստամբուլի նահանգապետի տեղակալը նախքան պատրիարքարանում ընտրությունների սկսվելը ուղարկել էր գրություն , որն իրավաբանորեն անհնար է համարում պատրիարքական ընտրությունների գործընթացի ﬔկնարկը: Այս գրությունը Պոլսո Հայոց պատրիարքի տեղապահի ընտրություններից անﬕջապես հետո պատրիարքարանի հոգևորականներին է ներկայացրել տեղապահի ընտրություններում պարտված փոխանորդ Արամ արքեպիսկոպոս Աթեշյանը: Նահանգապետարանի ուղարկած գրության ﬔջ նշված է. «Պոլսո Հայոց պատրիարքի ընտրության գործընթացի սկսելը նահանգապետարանի կողﬕց համարվում է իրավաբանորեն անհնար»:Արամ Աթեշյանը հրաժարվել է ընդունել արքեպիսկոպոս Բեկչյանին` որպես Պոլսո Հայոց պատրիարքի տեղապահ եւ հիմա տեղի իշխանությունների աջակցությամբ փաստացի Արամ Աթեշյանն է կատարում Հայոց պատրիարքի տեղապահի պարտականությունները: Հիշեցնենք, որ Պոլսո պատրիարք Մեսրոպ Մութաֆյանը կոմայի մեջ է գտնվում 2008թ.-ից և փաստացի չի կարող կատարել պատրիարքի իր լիազորությունները։ Նրա փոխարեն այդ լիազորությունները կատարում էր Արամ արքեպիսկոպոս Աթեշյանը, որն ընտրված է ոչ թե համայնքի, այլ պետության կողմից: Ստամբուլի հայ համայնքի ներկայացուցիչները տևական ժամանակ է՝ պահանջում էին կայացնել նոր ընտրությունների անցկացման որոշում՝ ցանկանալով իրենց առաջնորդի դերում տեսնել ոչ թե պետության կողմից նշանակված, այլ իրենց ձայների արդյունքում ընտրված անձի: Հատկանշական է, որ Պոլսում ստեղծված այս իրավիճակի նկատմամբ քար անտարբերություն է դրսեւորում Մայր Աթոռը: Տարածաշրջանային հարցերով փորձագետ-վերլուծաբան Սարգիս Հացպանյանի կարծիքով Մայր Աթոռը փաստացի թեեւ չունի լծակներ միջամտելու Պոլսո պատրիարքարանի գործերին, այդուհանդերձ Գարեգին Բ սրբազանը կարող է իր մի զանգով շրջադարձ մտցնել ծավալված իրադարձություններում.<<Նա հաճախ է հեռախոսազրույց ունենում Արամ Աթեշյանի հետ ու եթե ասի, որ անհարմար է՝ թող-գնա, ամեն ինչ բնականոն կլուծվի: Կաթողիկոսը կարող է ցանկացած ժամանակ կարգալույծ անել այդ մարդուն: Պատկերացնում եք, եթե նա զանգի եւ ասի, որ ես քեզ կարգալույծ կհռչակեմ ու դու արդեն եկեղեցական չես, Արամ Աթեշյանը իրեն կկախի>>,-վստահ է Սարգիս Հացպանյանը: Կաթողիկոսի լռությունը ըստ Հացպանյանի հիմնավոր պատճառներ ունի.<<Նրա եղբայրը՝ Ռուսաստանի թեմի առաջնորդ Եեզրասը եւ Արամ Աթեշյանը միլոնավոր դոլարների հասնող ընդհանուր բիզնես ունեն, գործընկեր են:Նրանք անտիկվար իրերի վաճառքով են զբաղված: Ենթադրում եմ, որ այդ գործընկերությունն է խանգարում: Մի մարդ, որը երկու տարի եկեղեցուն ձեռ է առնում, որոշումները չի հարգում, այդ ոնց եղավ, որ կարգալույծ չի արվում կաթողիկոսի կողմից, որը բազում հոգեւորականների է կարգալույծ արել>> զարմանք է հայտնում Հացպանյանը: Նրա կարծիքով, այդուհանդերձ Աթեշյանը փաստացի այլեւս պատրիարք չէ, քանզի թե եկեղեցականները, թե ժողովուրդը հայտնել են իրենց կողմնորոշումը.<<Նա հիմա որտեղ գնում է պատարագի, մարդիկ չեն ներկայանում, Արամի վիճակը այնքան խայտառակ է հիմա, որ թշնամուն չէի ցանկանա նման վիճակ, նրան մի մարդ անգամ չի պաշտպանում>>: Նկատեցինք, որ թուրքական իշխանություններն են պաշտպանում Աթեշյանին, սակայն պարոն Հացպանյանը հակադարձեց, որ այդքանով հանդերձ հնարավոր չի լինելու փոխել փաստացի տեղապահ ընտրված Բեկչյանին.<Այս կիրակի այնտեղ սահմանադրական փոփոխություններ են լինելու եւ իրենք հայտնել են, որ դրանից հետո հարցին արագ լուծում կտրվի:Իսկ այդ լուծումը հետեւյալն է՝ տեղապահի կարգավիճակը եթե չեղավ, ընտրություն լինել չի կարող, սա գիտի Թուրքիան, իսկ տեղապահը կա, ընտրված է, նա Բեկչյանն է: Նա օրինական ընտրվել է, եկել է հենց Արամ Աթեշյանի խնդրանքով: Իսկ իշխանության աջակցությունը չի կարող Աթեշյանի նկատմամբ հարատեւել, Թուրքիան խայտառակվում է աշխարհի առաջ, պիտի ասեն՝ մի մարդու հարց չի կարող լուծել: Իրենք էլ Աթեշյանին կասեն տեղդ նստիր, ու կսկսվի պատրիարքական ընտրությունների շրջան, թեկնածուներ կառաջադրվեն, վեց ամիս քարոզարշավի շրջան կսկսվի, համայնքն ում արժանի գտավ, նա էլ կընտրվի Կ.Պոլսի կաթողիկոս>>: Հացպանյանի համոզմամբ Աթեշյանը չի առաջադրի թեկնածությունը, քանզի եթե տեղապահի ընտրություններին չարժանացավ ամենավստահելի հոգեւորականների քվեին, ապա նոր խայտառակության չի գնա Անի Սահակյան
Հետևեք մեզ Viber-ում
