Ասադը այլեւս ապագա չունի այդ խնդիրներում.Արման Նավասարդյան

«Սիրիական զարգացումները չեն հանգեցնի համաշխարհային պատերազմի:  Ձեռքբերումները, որոնք կային ԱՄՆ-ի և ՌԴ-ի միջև միջազգային, աշխարհաքաղաքական խնդիրների համատեքստում հետ կշպրտվեն մի քանի տարով: Հիմա սառը պատերազմի տպավորություն կա, եւ  դա  կանդրադառնա Սիրիայի գործընթացների վրա: Ասադը այլեւս ապագա չունի այդ խնդիրներում, որովհետեւ, ըստ իս, այստեղ այնպիսի գործոններ աշխատեցին՝ քիմիական զենք և այլն, և այլն, որ փաստորեն այսօրվա Սիրիայի իշխանությունների դեմ դուրս եկավ ամբողջ քաղաքակիրթ աշխարհը»,- լրագրողների հետ զրույցում ասաց արտակարգ և լիազոր դեսպան Արման Նավասարդյանը: «Ստեղծված իրավիճակը խոսում է Սիրիայի մասնատման մասին: Միգուցե համարձակ եզրակացության եմ հանգում, բայց այդ բանը ես զգում եմ: «ԴԱԻՇ»-ի խնդիրը, որում, կարծես թե, առաջընթաց կար, լրիվ հակառակ ուղղությամբ կզարգանա: Նրանք հիմա ավելի կլկտիանան »,-նշեց Արման Նավասարդյանը և ընդգծեց, որ վերոնշյալ զարգացումները միանշանակ կանդրադառնան նաեւ Հարավային Կովկասի վրա: «Կարծիք կար, որ ԱՄՆ-ն Հարավային Կովկասին ուշադրություն չի դարձնում, տարածաշրջանը Ռուսաստանի ազդեցության ոլորտում էր, հիմա կարծես դա երկրորդ պլան է մղվում: Ես գրեթե համոզված եմ՝ ԱՄՆ-ի կարեւոր ուղղություններից մեկը լինելու է տարածաշրջանը, քանի որ այստեղ այնպիսի մի թնջուկ է ստեղծել, որը կարող է  հանգեցնել բոլորովին նոր քաղաքական իրավիճակի: Հայաստանի քայլերը ճիշտ ու գրագետ  պետք է լինեն»,- շեշտեց  նա: