«Մենք ոչ թե դատապարտյալ ենք, այլ՝ գերի, պարո՛ն դատավոր». Վոլոդյա Ավետիսյան
6 տարվա ազատազրկման դատապարտված պահեստազորի գնդապետ Վոլոդյա Ավետիսյանը եւ պաշտպանը դիմում են ներկայացրել պայմանական վաղաժամկետ ազատ արձակելու պահանջով։Այդ մասին այսօր Երևանի Էրեբունի և Նուբարաշեն վարչական շրջանների ընդհանուր իրավասության դատարանում Ավետիսյանի վաղակետ ազատ արձակման մասին դիմումի քննության ժամանակ հայտարարեց Ավետիսյանի փաստաբան Արաքս Մելքոնյանը: 6 անգամ անկախ հանձնաժողովը առանց հիմնավորման մերժել է Վոլոդյա Ավետիսյանին, թեեւ ՔԿՀ-ն նրան տվել է դրական բնութագիր. « Ըստ ՔԿՀ-ի՝ նա պատիժը կրելու կարիք այլեւս չունի: Ինչու ենք մենք առանց նպատակի, առանց իմաստի, անձին պահում անազատության մեջ, եթե կարիքն այլեւս չկա: Սա ոչ թե հայեցողություն է պետության կողմից, այլ կամայականություն է»: Վոլոդյա Ավետիսյանն էլ ասաց, որ պայմանական վաղաժամկետ ազատ արձակվելու իրավունք ունեն շատ դատապարտյալներ: «Երբ նրանց չեն տալիս այդ իրավունքը, ես համարում եմ, որ մենք ոչ թե դատապարտյալ ենք, այլ գերի, պարո՛ն դատավոր», -հայտարարեց նա:
Հետևեք մեզ Viber-ում
