Էդուարդ Շարմազանովը հերքում է, թե Միքայել Պողոսյանն անտեղյակ է եղել ՀՀԿ ցուցակում հայտնվելուց
Armtimes.com կայքը քիչ առաջ հարցազրույց է հրապարկել դերասան Միքայել Պողոսյանի հետ: Վերջինս լրատվամիջոցի հետ զրույցում հերքում է, որ ընդգրկված է ՀՀԿ-ի՝ Երևանի ավագանու ընտրությունների թեկնածուների ցուցակում: «Ես ՀՀԿ-ի ցուցակում չեմ, սա թյուրիմացություն է, ես հենց հիմա կզանգեմ, կասեմ կհանեն»,- լրատվամիջոցի հետ զրույցում ասել է Պողոսյանը: Newsbook.am-ը հարցի առնչությամբ պարզաբանում խնդրեց ՀՀԿ-ի՝ Երևանի ավագանու ցուցակը գլխավորող Տարոն Մարգարյանի շտաբի պետ Էդուարդ Շարմազանովից: Նա հերքեց դերասանի հայտարարությունը, թե տեղյակ չի եղել, որ իրեն ցուցակում են ընդգրկել: Շարմազանովը նշեց, որ երեկ ԿԸՀ են ներկայացվել Պողոսյանի տվյալները, որոնք պարունակում են նրա ստորագրությունը: «Կենտրոնական ընտրական հանձնաժողովի համար փաստաթղթեր են ներկայացվել, դա չի եղել բանավոր համաձայնություն»,- ասաց Շարմազանովը:
Հետևեք մեզ Viber-ում
