Վրաերթ՝ Երևանում

Երեկ՝ ապրիլի 8-ին, վրաերթ է տեղի ունեցել Երևանում: Ժամը 21:50-ի սահմաններում Տիգրան Մեծի պողոտայի և Քրիստափոր փողոցի խաչմերուկում Toyota Land Cruiser մակնիշի 777 OP 07 համարանիշի ավտոմեքենայի վարորդ, Երևան քաղաքի Այգեստան 11 փողոցի բնակիչ, 58-ամյա Արսեն Ղազարյանը վրաերթի է ենթարկել փողոցը թույլատրելի հատվածով անցնող հետիոտնին՝ Երևանի քաղաքի Տիգրան Մեծի պողոտայի բնակիչ, 71-ամյա Ասանեթ Բեկնազարյանին: Ինչպես հայտնում է ֆոտոլրագրող Գագիկ Շամշյանը, վարորդը փախուստի չի դիմել, օգնել է, որպեսզի վրաերթի ենթարկվածը շտապօգնության ավտոմեքենայով տեղափոխվի «Էրեբունի» բժշկական կենտրոն: Դեպքի վայր են ժամանել ճանապարհային ոստիկանության 1-ին սպայական գումարտակի 3-րդ դասակի աշխատակիցները: Օպերատիվորեն դեպքի վայր են ժամանել նաև ՀՀ Արտակարգ իրավիճակների նախարարության փրկարար ծառայության հրշեջ-փրկարարները՝ 1 մարտական հաշվարկով: Վթարի մասին ՃՈ օպերատիվ կառավարման կենտրոնի պատասխանատու հերթապահ Արսեն Հարությունյանը տեղեկությունը փոխանցել է ՃՈ ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունք, որտեղից ժամանել է հետաքննիչ Աշոտ Դարբինյանը, ում կողմից փաստի առթիվ նյութեր են նախապատրաստվում: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: