«Սա ժողովրդի պարտությունն է, ոչ թե ընդդիմության». Հովսեփ Խուրշուդյան
Բոլորս էլ գիտեինք, որ իշխանությունները չեն փոխվել ու չեն փոխվելու, միշտ էլ կեղծվելու են ընտրությունները, բռնազավթվելու է իշխանությունը: Այսօր այս մասին հայտարարել է «Օհանյան-Րաֆֆի-Օսկանյան» դաշինքի անդամ Հովսեփ Խուրշուդյանը՝ նշելով որ, սա ժողովրդի պարտությունն է, ոչ թե ընդդիմության:«Միշտ էլ իշխանությունները կեղծվելու են ընտրությունները, բայց ընդդիմությունը պետք է այս ամբողջ պատասխանատվությունը հասկանալով, վերլուծություններ անելով նախորդ փորձերից՝ հետևություններ աներ, բայց չարվեցին այդ հետևությունները: Սա ժողովրդի պարտությունն է, ոչ թե ընդդիմության: Ժողովուրդը ձայն չտվեց ընդդիմությանը, մի մասը չգնաց ընտրության, մի մասն էլ կաշառք վերցրեց ու գնաց, ընտրեց իշխանությանը»,- ասել է Խուրշուդյանը: Ըստ նրա՝ պետք է դուրս գալ փողոց և պայքարել:
Հետևեք մեզ Viber-ում
