Ամենախոցելի պահն այն պահն է, երբ հավաքվում են ձայներն արկղի մեջ և ուղարկվում ԿԸՀ.Ատոմ Էգոյան

«Մենք այստեղ չենք, որպեսզի կիրակի օրվա ձայները պահենք, մենք այստեղ ենք Հայաստանի ապագայի համար»,- ր այս մասին «Սփյուռքի հայտնի հայերը ընտրություններին՝ որպես դիտորդ» թեմայով մամլո ասուլիսի ընթացքում ասաց կանադահայ կինոռեժիսոր Ատոմ Էգոյանը՝ կոչ անելով մասնակցել կիրակի օրը կայանալիք ընտրություններին։ «Մենք չենք կարող սխալվել եւ մտածել ու այս մեկկուսակցական համակարգով հնարավոր է առաջ շարժվել, եւ ապացույցն այն է, որ այսօր շատ մարդիկ են լքում Հայաստանը»,- ասաց Ատոմ Էգոյանը: Էգոյանը նաեւ նշեց, որ ընտրությունների օրն իրենք հատկապես ուշադիր պետք է լինեն երեկոյան ժամերին, երբ քվեաթերթիկները տուփերով դրվում են մեքենաների մեջ եւ տարվում Կենտրոնական ընտրական հանձնաժողով:«Ամենախոցելի պահն այն պահն է, երբ հավաքվում են ձայներն արկղի մեջ և ուղարկվում ԿԸՀ։ Մենք ավելի մտահոգ ենք այդ պահի հետ կապված։ Արկղը փակ է և տեղադրվում է մեքենայի մեջ, մտահոգ ենք՝ արդյո՞ք դրանք իրապես տեղ հասնելու են, թե՞ ոչ։ Հնարավո՞ր է, օրենքը թո՞ւյլ է տալիս, որպեսզի ֆիզիկապես ներկա լինենք այդ մեքենայում, չեմ կարող ասել, բայց կոչ եմ անում լրագրողներին, որ իրենց ուշադրությունը սևեռեն այդ պահի վրա»,- ասաց Ատոմ Էգոյանը։ Կանադահայ կինոռեժիսոր Ատոմ Էգոյանն ասաց, որ չափազանց շատ է սիրում իր հայրենիքը՝ Հայաստանը, որի ոսկորները խորն են և ամուր։ Նա տեղեկացրեց, որ այսօր առավոտյան զբոսնելով Մատենադարանի հարևանությամբ գտնվող երաժշտական դպրոցներից մեկում, լսել է ստեղծագործական շունչ և հասկացել, որ Հայաստանում երիտասարդները ստեղծագործելու ունակություն ունեն։   Սոնա Դավթյան