Արագածոտնի թեկնածուն փակագծեր է բացում, թե ինչու հեռացավ «Ծառուկյան դաշինքից»
«Ծառուկյան» դաշինքի կողմից որպես վարկանիշային թեկնածու Արագածոտնի մարզի թիվ 7 ընտրատարածքում առաջադրված Նարինե Առաքելյանը դադարեցրել է «Ծառուկյան» կուսակցությունների դաշինքի հետ իր համագործակցությունը և կսատարի Արագածոտնի մարզի թիվ 7 ընտրատարածքի թեկնածու Արագած Ախոյանին: Այս մասին հայտարարություն է տարածել Նարինե Առաքելյանը, որում, մասնավորապես, նշել է. ««Ծառուկյան» կուսակցությունների դաշինքի կողմից առաջադրվելով որպես վարկանիշային թեկնածու Արագածոտնի մարզի թիվ 7 ընտրատարածքում, հավատ ունենալով կուսակցության առաջնորդի և թիմի նկատմամբ՝ ես փորձել եմ որպես թեկնածու հնարավորինս օգտակար լինել՝ բարձր պահելով այդ դաշինքի անունը: Սակայն մարտի 5-ից սկսած, տեսնելով Արագածոտնի մարզի ընտրատարածքում դաշինքի վարկանիշային թեկնածուների պառակտված վարվելաձևը, ոչ ճիշտ թիմային աշխատանքը, ես դադարեցնում եմ իմ գործունեությունը այդ դաշինքի հետ և հանդես եմ գալիս հետևյալ հայտարարությամբ. «Իմ ընտրողների հետ միասին աջակցելու եմ թիվ 7 ընտրատարածքում Հայաստանի Հանրապետական կուսակցության վարկանիշային թեկնածու Արագած Ախոյանին՝ հաշվի առնելով նրա բարձր արժանիքները, հայրենանվեր գործունեությունը, հսկայածավալ աշխատանքները, որ նա կատարել է Հայաստանում և Հայաստանից դուրս՝ Արևմտյան Հայաստանում և միջազգային տարբեր կառույցներում՝ բարձր պահելով հայի պատիվը և արժանապատվությունը: Ես իմ թիմով սատարում եմ Արագածոտնի մարզի թիվ 7 ընտրատարածքի արժանի թեկնածուին, հայրենասեր մարդուն՝ Արագած Ախոյանին, ով ունի բարձր վարկանիշ և վայելում է մարզի համայնքների բնակիչների վստահությունը և հարգանքը»: Նարինե Առաքելյանի հայտարարությանն անմիջապես հետեւեց ԲՀԿ մամլո խոսնակ Վանիկ Էլիզբարյանի արձագանքը․ «Դե ինչ, շնորհավորում ենք պարոն Ախոյանին՝ նման համախոհ ունենալու համար։ Տիկինը, կանխազգալով, որ մեզ հայտնի են դարձել իր կենսագրության հետ կապված խիստ ամոթալի եւ խայտառակ էջեր, ինչի մասին խոսում է ողջ համայնքը, որոշել է ինքնակամ լքել մի դաշինք, որտեղ նմանօրինակ սուբյեկտները տեղ չունեն։Ցավոք, մեզ ուշ տրամադրվեցին փաստեր Նարինե Առաքելյանի կենսագրության խայտառակ էջերի հետ կապված, այլապես նա ի սկզբանե կլիներ Արագած Ախոյանի համակիրների շարքում։Մեկ անգամ եւս շնորհավորում ենք պարոն Ախոյանին՝ նման համախոհ ունենալու համար։ Վստահ ենք, որ Արագած Ախոյանը, լինելով տեղացի, իրազեկ է Նարինե Առաքելյանի անվան հետ կապված խայտառակ պատմություններին»,-Ֆյեսբուքի իր էջում գրել է Էլիզբարյանը։ Մենք կապ հաստատեցինք տիկին Առաքելյանի հետ, ով ԲՀԿ խոսնակի արձագանքին հետևյալ կերպ արձագանքեց․«Ես խորհուրդ կտայի ԲՀԿ-ի խոսնակին որպես հայ տղամարդու կարգավորի իր կեցվածքը, հետո նոր փորձի խոսել մի կնոջ մասին, որին երբևէ չի տեսել ու չի ճանաչում, ես էլ իրեն չեմ ճանաչում։ Թող բարի լինի ծանոթանալու իմ կենսագրությանը, ինձ թվում է՝ իրենք ավելի շատ խայտառակ էջեր ունեն, քան մենք», ասաց Առաքելյանը ։ Տիկին Առաքելյանը մանրամասն պատմեց նաեւ, թե ինչպես է հայտնվել Ծառուկյան դաշինքում եւ ինչու է հրաժարվել մինչեւ ընտրությունները․«Ծառուկյան դաշինքում հայտնվել եմ տիկին Ռոզայի ներկայացնելով։ Ես Ագրարային համալսարանի դասախոս եմ, տիկին Ռոզան լինելով մեր խորհրդի անդամ, ճանաչելով ինձ, իմ անցած ճանապարը, որ ես ունենալով վարկանիշ կարող եմ իմ աջակցությունը ցուցաբերել դաշինքին, ներկայացրել է իմ թեկնածությունը։ Ես իմ բոլոր արժանիքներով հանդերձ մտա քաղաքական այս խաղի մեջ, բայց կուսակցությունը հանդեպ չբերեց հարգալից եւ արժանի վերաբերմունք մի մարդու նկատմամբ, ում առաջարկել էին թեկնածություն առաջադրել»։ Տիկին Առաքելյանի խոսքով ինքն անգամ չի հանդիպել կուսակցության ղեկավարի հետ, այդ հարցում «խոչընդոտողներ» են եղել․«Ես բազմիցս փորձեցի, բայց, ավաղ, չկայացավ»։ Տիկին Առաքելյանը տարակուսած է՝ ինչպես կարող էին իր հետ չհանդիպել, չզրուցել․«Միգուցե ես չունեմ այդ արժանինքերը»։ Նա ասաց, որ իր թեկնածությունն ըստ ամենայնի խանգարում էր դաշինքի՝ այս տարածաշրջանում առաջադրված այլ թեկնածուներից ոմանց, ինչն էլ պատճառ է դարձել, որպեսզի ամեն գնով տապալվի իր եւ Ծառուկյանի հանդիպումը․«Օրինակ Սեդրակ Առուստամյանի եւ ուրիշ այլ մարդիկ» , ասաց Առաքելյանը՝ հավելելով, որ այս ամենից հետո ինքը նպատակահարմար չի գտել մնալ դաշինքում ու իմանալով Արագած Ախոյանի «հայրենանվեր» գործի մասին իրեն աջակցության մասին է հայտարարել։ Հ․Գ․-Տիկին Առաքելյանը խնդրեց հրապարակել իր կենսագրությունը, որպեսզի մարդիկ ծանոթանան ու տեղեկանան իրականությանը՝ այստեղ Անի Սահակյան