ՀՀԿ-ն ընդունեց մարտահրավերը. «Մեր բլուրը իր բարձր սարին վնաս չէ»
Հայաստանի հանրապետական կուսակցության մամուլի խոսնակ Էդուարդ Շարմազանովը հանկարծ Ջիվանու հայտնի խոսքերն է հիշել՝ լսելով «Ծառուկյան» դաշինքի առաջնորդ Գագիկ Ծառուկյանի հայտարարությունը՝ Հայաստանում 15 միլիարդ ներդրում անելու մասին:«Եթե մերը 5 միլիարդ է, իրենցը 15 միլիարդ, շատ լավ: Ես Ջիվանու ոճով կպատասխանեմ` մեր բլուրը իր բարձր սարին վնաս չէ: Տա Աստված, որ մեր երկրում ներդրումները որքան հնարավոր է շատ լինեն»,- նշեց Շարմազանովը՝ հավելելով, որ ցանկացած ուժի հաղփանակի դեպքում անհրաժեշտ է զարկ տալ ներդրումներին: «Անկախ ընտրությունների արդյունքներից, անկախ նրանից, թե որ քաղաքական ուժը կհասնի հաջողության, բոլորիս խնդիրը պետք է լինի խրախուսել մեր երկրում ներդրումների իրականացումը: Ես իմ բոլոր հայրենակիցներին, նաև պարոն Ծառուկյանին կոչ եմ անում անկախ ամեն ինչից նպաստել ներդրումների իրականացմանը, հատկապես եթե նման ընկերներ ունի»,- ասաց Շարմազանովը: Ավելի վաղ տեղեկացրել էինք, որ Գագիկ Ծառուկյանը «Ծառուկյան» դաշինքի ամփոփոխիչ միջոցառման ժամանակ հայտարարել էր, որ իր գործընկերները պատրաստ են Հայաստանում 15 միլիարդ դոլարի ներդրում անել: Անի Աղազարյան
Հետևեք մեզ Viber-ում
