ԵՄ-ն կարող է զբաղեցնել Վաշինգտոնի տեղը շատ հարցերում.Մոգերինի
«Եվրամիությունը ստեղծված իրավիճակում կարող է առաջատար տեղ զբաղեցնել մի շարք միջազգային ոլորտներում, որտեղ Վաշինգտոնը կորցրել է իր դերը: Հաստատելով միասնականությունը պահպանելու ցանկությունը՝ մենք ցրել ենք մեր գործընկերների կասկածները, Եվրամիությունը կշարունակի գոյություն ունենալ, և ոչ մեկ չի կարող վնասել այն ո՛չ դրսից, ո՛չ ներսից», -Messaggero թերթին տված հարցազրույցի ժամանակ հայտարարել է Միջազգային գործերով և անվտանգության քաղաքականության հարցերով ԵՄ գերագույն ներկայացուցիչ Ֆեդերիկա Մոգերինին «Իրատեսական է, որ Եվրամիությունը հնարավորություն ունի առաջատար տեղ զբաղեցնել մի շարք միջազգային ոլորտներում, որոնց համար առաջատարի Վաշինգտոնի դերը սպառվել է: Դրանք են՝ կլիմայի փոփոխությունների դեմ պայքարը, համագործակցության եվրոպական մոդելների առաջխաղացումը՝ կոնֆլիկտային իրավիճակների լուծման հարցում, առևտուրը: Այժմ շատերն են ասում «Սկզբում Ամերիկան», մենք ևս ասում ենք «Սկզբում Եվրոպան», բայց մեր շահերը կառուցվում են համագործակցության և գործընկերության սխեմայով, մենք երբեք չենք լինի մեկուսացած Եվրոպա», - հավելել է Մոգերինին:
Հետևեք մեզ Viber-ում
