Լրջանալու պահը
Մեկ դար առաջ բոլշեւիկների եւ անոռուգլուխ կառավարման միջոցով հանձնեցին երկիրը։ Հիմա հանրապետականի՝ մեր փողերից ռոճիկ ստացող ու մեր դպրոցներին տիրող այս գործակալական ցանցով են վարի տալիս երկիրը, մի քանի անգամ համառորեն փորձում են ու չի ստացվում լրիվ կործանել պետությունը, շատ աներեսն է Հայաստանի հանրապետությունը, փաստորեն։ Սա հանրապետականի ընտրվելու համար աշխատողների եւ աշակերտաց ծնողների ցուցակները հավաքող ու շեֆին ղրկող տնօրեն աշխատող գործակալների մի մասի լուսանկարն է։ Եթե այդպես սիրում եք հանրապետականին եւ խեռժիկին նորա, ինչու եք մեր փողն ուտում ու երեխա փչացնում, ելեք գնացեք իրենց տան հացը կերեք, գնացեք շտաբներում աշխատեք։ Պարտադիր մենք պիտի վճարե՞նք, կրակն ե՞նք ընկել ձեռներդ, հանրապետականի ձեռը քարի տակ է՞։
Միլիոնավոր դոլարի վարկեր ու դրամաշնորհներ է վերցրել իշխանությունը կրթության համակարգը բարեփոխելու համար, ահա բարեփոխված կրթական համակարգը, իսկ վարկերը բոլորիս վզին է։
Նախարարը պիտի կռահի, որ իր կուսակցությանը գցում են հենց հիմա, իր եւ իր ընկերների աչքի առաջ, կամ պտի կռիվ վարի սրա դեմ կամ՝ հրաժարական տա, եթե ինքը չէ կազմակերպիչը։ «Ես տեղյակ չեմ եղել» սյուիտը այստեղ չի անցնի, զի մեր դռան ճռռացող ծխնին է վաղուց տեղյակ, այս ամենին։
Անկախ նրանից իշխանություն կփոխվի, թե չի փոխվի, այս ապացույցի փաթեթը, որ ստացանք «Իրազեկ քաղաքացիների միավորում» ՀԿ-ի անմարդկային չարչարանքի շնորհիվ, վկայում է, որ ընտրությունների արդյունքները անվավեր են, չեն կարող հուսալի լինել։ Որովհետեւ ոչ ոք չի պարզել ու չի կարողանալու պարզել այս այլանդակության ազդեցության չափը Մուկուչյանի գրասենյակի հաշվելիք քվեների վրա։
Բոլորի նկարները եւ կենսագրականները մեկ-մեկ հրապարակվելու են, ու կոչ եմ անելու բոլորին՝ իրենց գործերում, այս հիմնարկների հետ հարաբերություններում, իշխանության հետ հարաբերություններում հաշվի առնել ինչպես այս ապացույցներն ընդհանուր առմամբ, այնպես էլ յուրաքանչյուր վնասատուի անձը՝ անհատապես։
Պաչում եմ կսկուծ։)
Լևոն Բարսեղյանի գրառումը
Հետևեք մեզ Viber-ում
