Մարտուն Գրիգորյանի 1 մլն 450․000 ռուբլիանոց ավտոմեքենան եւ այլ եկամուտները

ԲՀԿ խմբակցության ցուցակով պատգամավոր ընտրված, այժմ ռեյտինգային ընտրակարգով ՀՀԿ-ից առաջադրված պատգամավորության թեկնածու Մարտուն Գրիգորյանը 2016 թվականին 1 միլիոն 450․000 ռուսական ռուբլիով ձեռք է բերել TOYOTA CAMRY 2.4 մակնիշի ավտոմեքենա։ Պաշտոնյայի դրամական միջոցները 2016-ին կազմել են 161 միլիոն 650․000 ՀՀ դրամ եւ 20․000 ԱՄՆ դոլար։ Ինչ վերաբերում է Մարտուն Գրիգորյանի եկամուտներին, ապա 2016-ին այն եղել է 7 միլիոն 63․000 դրամ։ Մարտուն Գրիգորյանի կինը՝ Ազնիվ Գրիգորյանը 2016-ին 27 միլիոն 160,000 դրամով բազմաբնակարան շենքում բնակարան է ձեռք բերել։ Ազնիվ Գրիգորյանի դրամական միջոցները 2016-ին կազմել են 133 միլիոն 293․000 դրամ եւ 15,000 ԱՄՆ դոլար, իսկ եկամուտները՝ 7 միլիոն 816,000 դրամ որից, 7 միլիոն 520,000-ը կազմում են շահաբաժինները։ Ի դեպ, Մարտուն Գրիգորյանի մայրը եւս ոչ համեստ եկամուտներ է գրանցել 2016-ին՝ շուրջ 10 միլիոն դրամ։ Սեդա Ղուկասյան