Արայիկ Գրիգորյանի (Ավշարի Արայիկ) կինը 25 միլիոն դրամով բնակարան է գնել
ՀՀԿ խմբակցության պատգամավոր, Արարատի մարզն ընդգրկող թիվ 5 ընտրատարածքում ռեյտինգային ընտրակարգով առաջադրված Արայիկ Գրիգորյանը (Ավշարի Արայիկ), 2016-ին հայտարարագրել է 1 միլիարդ 911 միլիոն 485․000 ՀՀ դրամ եւ 985․000 ԱՄՆ դոլար։ Ինչ վերաբերում է պատգամավորի դրամական եկամուտներին, ապա դրանք կազմել են 50 միլիոն 988․000 դրամ, որից միայն 6 միլիոն է կազմում աշխատավարձից ստացված գումարը, իսկ 44 միլիոնն այլ եկամուտներից է ստացվել։ Այս մասին տեղեկացանք բարձրաստիճան պաշտոնատար անձանց էթիկայի հանձնաժողովի կայքից։ Արայիկ Գրիգորյանի կողմից ձեռք բերած անշարժ եւ շարժական գույքի մասին տվյալներ չկան, սակայն նույն տարի Գրիգորյանի կինը՝ Նարինե Վարդանյանը ձեռք է բերել երկու խոշոր անշարժ գույք՝ 25 միլիոն դրամով բազմաբնակարան բնակելի շենքում բնակարան եւ 5 միլիոն դրամով ավտոտնակ։ Արայիկ Գրիգորյանի տիկնոջ հայտարարագրում նշված չեն եկամուտների եւ դրամական միջոցների մասին այլ տվյալներ։ Սեդա Ղուկասյան