Ամեն քայլափոխի վրա open, hotel, motel․ քաղաքացին՝ Կարեն Կարապետյանին
Կարեն Կարապետյանին Էրեբունի վարչական շրջանում նախընտրական հանդիպման ժամանակ Լեզվի պետական տեսչության նախկին պետ Լավրենտի Միրոզյանն ուշադրություն հրավիրեց Երեւանում մայրենի լեզվի խնդրին․ «Երեւան քաղաքը դարձել է օտար լեզուների քաղաք, խնդրանքով ուզում եմ դիմել, որ կրկեսի մոտի հյուրանոցը միայն անգլերեն լեզվով է, բա ՀՀ պետական լեզուն ո՞վ պետք է պահպանի: Կխնդրեի, որ ձեր հանձնարարությամբ եւ պարոն քաղաքապետի հանձնարարությամբ սեփականատիրոջն ասեք, որ պետական լեզվի խախտում կա։ Երեւանում ամեն քայլափոխի քաղաքում տեսնում ենք խանութների վրա open, hotel, motel, բա մեր լեզուն ինչ պետք է լինի՞»: «Իրականում մեր հայ լինելը պահպանել ենք երեք սկզբունքների պատճառով՝ ընտանիք, հավատք եւ լեզու: Կարեւոր է, որ լեզուն պահպանենք, նույնիսկ սփյուռքահայության մեջ, որ տեսնում ենք կորցնում են, անհանգստանում ենք: Այդ իսկ պատճառով միանշանակ դրան ուշդարություն դարձնելու ենք»,-ասաց վարչապետը։ Սեդա Ղուկասյան