«Ուռում-ուռում-ուռում ենք»
Կառավարության այսօրվա նիստում ՀՀ տնտեսական զարգացման ու ներդրումների նախարար Սուրեն Կարայանը ներկայացրեց որոշման նախագիծ, որով առաջարկվում է հստակեցնել, պարզեցնել ու կրճատել առևտրային կցորդների ներկայացուցիչների մաքսային կցորդի և Առևտրի համաշխարհային կազմակերպությունում ՀՀ մշտական ներկայացուցիչների պահպանման ծախսերի նախահաշիվների հաստատման գործընթացը։ «Կարևոր գործընթաց է, մենք ի՞նչ ենք ասում՝ ով ուզում է ներկայացուցիչ պահի, ինքը պետք է իրեն պահի։ Վաղը, մյուս օրը մենք իրենց հարցնելու ենք՝ էդ ներկայացուցչին որ պահում ես, էդքան փող որ ծախսում ես, էդ ներկայացուցչի օգուտը ո՞րն ա: Անհասկանալի է, թե ներկայացուցիչները որտեղից են ֆինանսավորվում ու իրենց գործառույթը որն է։ Այդ իսկ պատճառով՝ ՊԵԿ-ը կլինի, դուք կլինեք, ԱԳՆ-ն կլինի, հաջորդ բյուջեի ժամանակ պետք է հիմնավորվի՝ էս ծախսը ինչ օգուտ ա տվել, ինչին ա ծառայել, ինչ պլյուս ունենք դրանից», - նշել է վարչապետը։ Այնուհետև հավելեց, որ կառուցվածքը պետք է լինի մաքսիմալ ֆունկցիոնալ. «Կառուցվածքի մեջ յուրաքանչյուր օղակ, յուրաքանչյուր պաշտոնյա պետք է հասկանա՝ ինչ է անելու, թե չէ մակրո առումով գլոբալ ուռում-ուռում-ուռում ենք»։
Հետևեք մեզ Viber-ում
