Շտապ. «Ծառուկյան» դաշինքի թեկնածուն ներողություն խնդրեց «Ելք»-ի անդամներից
Այսօր Նոր նորքի 4-րդ զանգվածի մարզադպրոցի («Տորք Անգեղ» մարզամշակութային կենտրոնի) մոտ միջադեպ է տեղի ունեցել դպրոցի աշխատակիցների եւ «Ելք» դաշինքի ներկայացուցիչների միջև: Նիկոլ Փաշինյանին արգելում էին մուտք գործել սպորտդպրոց, մինչդեռ սպորտդպրոցի միջանցքում՝ մուտքի մոտ ԱԺ պատգամավորի թեկնածու Արթուր Մամոյանի նկարով քարոզչական պաստառն էր, որը դպրոցի տեխնիկական աշխատողները փորձեցին արագ թաքցնել և տեսնելով, որ լրագրողները փորձում են ֆիքսել, հայհոյանքներ տալով ու սպառնալով հարձակվեցին նրանց և «Ելք»-ի անդամների վրա: Պարզվել է, որ քարոզչական պաստառը «Ծառուկյան» դաշինքից պատգամավորի թեկնածու Արթուր Մամոյանինն է, որը սպորտդպրոցի տնօրենն է: Ավելի ուշ Մամոյանը դպրոցի աշխատակիցների անունից ներողություն է խնդրել «ԵԼՔ»-ի ներկայացուցիչներից: «Ես իրենց փոխարեն կներես եմ ասում, մարդ ենք, ամեն ինչ կկարգավորենք»,- ասել է Մամոյանը:
Հետևեք մեզ Viber-ում
