Կանանց 80 տոկոսը ձեզ համակրում է, ո՞նց է լինելու վերջը. կնոջ հարցը՝ Կարեն Կարապետյանին
Այսօր Կարինե Կոստանդյանը, դիմելով վարչապետին հարցրել է. «Մեր ազգի կանանց եւ աղջիկների 80 տոկոսը ձեզ համակրում են, վերջը ո՞նց է լինելու»: Այնուհետև նա վարչապետին հորդորեց`բարձրացնել մանկավարժների դերն ու հեղինակությունը: «Վերջը լավա լինելու, ես էլ գնալու եմ մեր տուն»,-ծիծաղելով պատասխանել է նա: Այնուհետև քաղաքացիներից մեկը ՀՀ վարչապետին խնդրեց ներկայացնել, թե կառավարությունն ի՞նչ ծրագրեր է մշակում, որպեսզի արտասահմանում լավ կրթություն ստացած հայ երիտասարդները վերադառնան և իրենց գիտելիքներն օգտագործեն Հայաստանի զարգացման նպաստելու համար: «Պետք է ստեղծենք շատ աշխատատեղեր, որոնք կապահովեն բարձր աշխատավարձ: Եվ պետք է այնպես անենք, որպեսզի այդ աշխատատեղերում աշխատելու համար ընտրվեն հենց լավ կրթություն ստացած երիտասարդները և որակյալ մասնագետները»,- ասաց վարչապետը:
Հետևեք մեզ Viber-ում
