Սերժիկ Կարապետյանն էր այդ ջեմերը բաժանում. ՀՎԿ անդամը` Սերգո Կարապետյանին
Օլիգարխներ չունի, որ ընտրակաշառք բաժանի, իսկ Արթուր Բաղդասարյանը ընդամենը գրագետ, կիրթ անձնավորություն է։ Այս մասին hayeli.am-ի հետ զրույցում ասաց ՀՎԿ անդամ Սամվել Սարգսյանը։ <Ես կուսակցության այն անդամներից եմ, որ հավաքագրում եմ մարդկանց, կուսակցություն եմ բերում, ասում եմ, որ երկիրը պետք է փոխվի, մարդիկ պետք է նորմալ ապրեն, Արթուր Բաղդասարյանի մեջ դա տեսնում եմ>,-ասաց նա: Մեր դիտարկմանը, թե արդյոք այդ ագիտացիայի ժամանակ մարդիկ չե՞ն հակադարձում ՕԵԿի ջեմերով ու մուրաբաներով, վերջինս համաձայնեց ու հավելեց. <Պատասխանում եմ, որ դա եղել է ժամանակին, ասում եմ, որ Սերժիկ Կարապետյանը, որ մի օրում դարձավ Սերգո Կարապետյան, իր ջեմերն էր տալիս էն ժամանակ, կես վայրկյանում ՕԵԿ-ից գնաց ՀՀԿ-ական դարձավ, մոռանո՞ւմ եք դա>: Մեր ճշտող հարցին` Սերգո Կարապետյանն ի՞ր ցանկությամբ է ջեմերը բաժանել, մեր զրուցակիցն ասաց, որ չգիտի Կարապետյանն իր կողմից է բաժանել, թե կուսակցության հետ քննարկել է այն։ Սեդա Ղուկասյան