ВЦИОМ-ի հարցման արդյունքները

Հասարակական կարծիքի ուսումնասիրության համառուսաստանյան կենտրոնի (ВЦИОМ)  կողմից Հայաստանում փետրվարի 22-26 –ը անցկացրած սոցհարցումը պարզել է, որը հարցվածների 77%-ը դրական է համարում ներկա կառավարության գործունեությունը։ Այս մասին այսօր լրագրողների հետ հանդիպմանը ներկայացրեց կենտրոնի տնօրեն Վալերի Ֆյոդորովը: Ըստ այդմ՝ հարցվածների միայն 12 տոկոսն է բացասական գնահատել կառավարության աշխատանքը: 31 տոկոսը միանշանակ դրական է գնահատել Կարեն Կարապետյանի կառավարության աշխատանքը, իսկ 46 տոկոսը` ավելի շուտ դրական: Ընտրություններին մասնակցող 9 քաղաքական կուսակցություններից և կուսակցությունների դաշինքից առաջատարը «Ծառուկյան» դաշինքն է:  Հարցվածների 26 տոկոսը, պատասխանելով հարցին, թե առաջադրված քաղաքական ուժերից ում ձայն կտա ընտրություններին, եթե դրանք անցկացվեն առաջիկա կիրակի, պատասխանել է՝ Գագիկ Ծառուկյանի գլխավորած քաղաքական ուժին։ Իշխող Հայաստանի Հանրապետական կուսակցությանը 19 տոկոսը կտա իր ձայնը, «Ելք» դաշինքին՝ 3 տոկոսը, ՀՅԴ-ին՝ նույնքան, տոկոսը, ՀՎԿ-ին՝ 2-ը։ Մնացած քաղաքական ուժերին՝ «Կոնգրես-ՀԺԿ» դաշինքին, Հայաստանի Կոմունիստական կուսակցությանը, «Օհանյան -Րաֆֆի-Օսկանյան» դաշինքին իր ձայնը կտա հարցվածների 1-ական տոկոսը: արցվածների 14 տոկոսն էլ այն կարծիքին է, որ երկրի համար լուրջ խնդիր է շրջակա միջավայրի պահպանությունը, 13 տոկոսը` աղքատությունը, 8 տոկոսը` ջեռուցման և էլեկտրականության հետ կապված խնդիրները, 8 տոկոսը` հասարակական տրանսպորտի վատ աշխատանքը, 7 տոկոսը` կրթության ոլորտի խնդիրները, 7 տոկոսը` թոշակների ցածր մակարդակը, 5 տոկոսը` միգրացիայի խնդիրները: Հարցումն անցկացվել է հանրապետության ողջ տարածքում: Հարցման մասնակիցների 36 տոկոսը բնակվում է Երևանում, 29 տոկոսը` երկրի այլ քաղաքներում, 36 տոկոսը` գյուղական համայնքներում: Ընդհանուր առմամբ հարցմանը մասնակցել է 1600 մարդ: