Հայ զինծառայողները պետք է վերադառնան զորանոցներ.Մամեդյարով
Ադրբեջանի արտգործնախարար Էլմար Մամեդյարովը՝ ելույթ ունենալով ՌԴ ԱԳՆ Դիվանագիտական ակադեմիայում հայտարարել է ,որ ԼՂ հակամարտության կարգավորումը առաջնահերթություն է Ադրբեջանի արտաքին քաղաքականության համար։ ԱՊԱ գործակալության մոսկովյան թղթակիցի հաղորդմամբ, Մամեդյարովն ասել է,որ հակամարտության կարգավորումը տարածաշրջանի զարգացման հիմնական խոչընդոտն է։ «Արդեն մոտ 30 տարի Ադրբեջանը և Հայաստանը երես առ երես են գտնվում այդ խնդրին։ Երեկ մենք ՌԴ ԱԳՆ ղեկավար Սերգեյ Լավրովի հետ մանրամասն քննարկել ենք Լեռնային Ղարաբաղի հակամարտության կարգավորման ուղիները։ Դա քննարկում ենք ենք ոչ միայն մենք՝ նախարարներս, այլև Ադրբեջանի և Ռուսաստանի նախագահները:ԼՂ հակամարտությունը կարգավորելու համար «Հայաստանը պետք է քաղաքական կամք ցուցաբերի»»,- ասել է Մամեդյարովը։ Հայ զինծառայողները պետք է վերադառնան զորանոցներ,ասել է նա: Խոսելով Լեռնային Ղարաբաղի հակամարտ զորքերի շփման գծում լարվածության մասին՝ Մամեդյարովը ասել է, որ ադրբեջանական կողմը համաձայն է մոնիթորինգ անցկացնել հակամարտ զորքերի շփման գծում։ «Ասում են՝ եկեք միջադեպերի հետաքննության մոնիթորինգ անցկացնենք շփման գծում, ինչին մենք տալիս ենք համաձայնություն։ Սակայն դա պետք է լինի մեծ պլանի բաղկացուցիչ մաս»,- հայտարարել է Մամեդյարովը։
Հետևեք մեզ Viber-ում
