Աշոտյանը զոհաբերվե՞ց. Նաիրա Զոհրաբյանի արձագանքը

«Բացարձակապես մտադրություն չունեմ որպես փորձագետ հանդես գալ Հանրապետական-Դաշնակցություն հարաբերություններում»,-Հայելի.am-ի թղթակցի հետ զրույցում, անդրադառնալով ՀՀԿ-ԲՀԿ պորտֆելային վերադասավորումներին,  նկատեց  «Բարգավաճ Հայաստան» կուսակցության  նախագահ և ԱԺ ԲՀԿ խմբակցության ղեկավար Նաիրա Զոհրաբյանը: Արդյոք Արմեն Աշոտյանին զոհաբերեց ՀՀԿ-ն հարցին, Նաիրա Զոհրաբյանը պատասխանեց. «Ցավում եմ, որ կուսկացությունները նման կարևորագույն նախարարությունը,  ինչպիսին կրթության և գիտության նախարարությունն է, դիտարկում են որպես ռազմաբազա՝ առաջիկա խորհրդարանական ընտրություններում դիրքավորվելու համար: Ինչ վերաբերում է Աշոտյանին, չնայած ես միշտ չէ և մեծամասմաբ իր բազմաթիվ մտքերի և դիրքորոշումների հետ համաձայն չեմ եղել,  բայց իր կուսակցության համար ինքը շատ մեծ բեռ և պատասխանատվություն էր վերցրել»,-ընդգծեց Զոհրաբյանը: ԱԺ ԲՀԿ խմբակցության ղեկավարը  ներկայացրեց իր հստակ դիրքորոշումը և հավելեց. «Եվ եթե նույն Աշոտյանին մեղադրում էին, որ կուսկացականացրել է համակարգը, ապա  չեմ կարծում, որ այն կուսկացությունը,  որը հավակնում է  այդ պոստին, գիտության և կրթության նախարարությունը դարձնելու է Մատենադարան, կամ, ինչպես իրենց ներկայացուցիչը նշեց, Զվարթնոց՝ հրեշտակարան»,-նկատեց ԲՀԿ առաջնորդը` հավելելով, որ, եթե նախարար նշանակվի Լևոն Մկրտչյանն, ապա նա այդ պաշտոնը կզբաղեցնի չորրորդ անգամ: Լուսինե Ղազարյան