Ալիևը չհաստատեց

Trend լրատվական գործակալության փոխանցմամբ՝ Ադրբեջանի նախագահ Իլհամ Ալիևն օգտվել է իր սահմանադրական իրավունքից և խորհրդարանի կրկնակի դիտարկմանն է ուղարկել «Արժույթի կարգավորման մասին» օրենքում ուղղումներ անելու օրինագիծը։ Ադրբեջանի նախագահի՝ տնտեսական բարեփոխումների հարցերով օգնականը պարզաբանել է, որ դա արվել է ի պատասխան գործարարների բազմաթիվ դիմումների։ Օրենքը խորհրդարանի կողմից ընդունվել է հունվարի 19-ին և պետք է ուժի մեջ մտներ փետրվարի 1-ին։ Հաղորդվել էր, որ Ադրբեջանի իշխանությունները ցանկանում են 20 տոկոսանոց պարտադիր տուրք սահմանել արտերկիր դրամական այն փոխանցումների վրա, որոնք կգերազանցեին 50.000 դոլարը։ Օրենքն ընդունվել էր ազգային արժույթ մանաթի կտրուկ արժեզրկումը կանգնեցնելու շրջանակներում։