Դատավոր Դավիթ Բալայանին հրազենային վիրավորում հասցնելու դեպքի առթիվ քրեական գործ չի հարուցվել
«Սահմանադրական դատարանի դատավոր Կիմ Բալայանի որդու՝ Շենգավիթ վարչական շրջանի ընդհանուր իրավասության դատարանի նախագահ Դավիթ Բալայանին հրազենային վիրավորում հասցնելու դեպքի առնչությամբ քրեական գործի հարուցումը մերժվել է։ Այս մասին Hayeli.am-ը տեղեկացավ ՀՀ գլխավոր դատախազության լրատվական ծառայությունից։ Հիշեցնենք, որ մեկ ամիս առաջ հրազենային վնասվածքով հիվանդանոց էր տեղափոխվել դատավորը։ Չնայած շրջանառվող տեղեկություններին, թե կրակոցը կապված է եղել իր մասնագիտական գործունեության հետ, սակայն Բալայանը հայտարարել էր, որ որսի ժամանակ ինքն է անզգուշությամբ ոտքին կրակել։ «Նյութերի նախապատրաստմամբ պարզվել ու հիմնավորվել է, որ Դավիթ Բալայանը մարմնական վնասվածք ստացել է իր անզգուշության հետեւանքով, ուստի նրա արարքում բացակայում է հանցագործության դեպքը։ Քրեական գործ հարուցելը մերժվել է ՀՀ Քրեական դատավարության օրենսգրքի 35-րդ հոդվածի առաջին մասին առաջին կետով»,-ասացին Գլխավոր դատախազության լրատվական ծառայությունից։ Սեդա Ղուկասյան
Հետևեք մեզ Viber-ում
