Ռիչարդ Միլսը կայցելի Հայ-Ամերիկյան Առողջության Կենտրոն
Ս/թ-ի մարտի 7-ին ժամը 14։30-ին , կանանց տոներին ընդառաջ, Հայաստանում ԱՄՆ-ի դեսպան Ռիչարդ Միլսը և ԱՄՆ–ի միջազգային զարգացման գործակալության (USAID) Հայաստանի ղեկավար Դեբորա Գրիզերը այցելելու են Հայ-Ամերիկյան Առողջության Կենտրոն՝ շնորհավորելու կենտրոնի աշխատակիցներին և ի դեմս նրանց՝ բոլոր հայ կանանց մարտի 8-ի կապացությամբ։ ԱՄՆ-ի դեսպան Ռիչարդ Միլսի ուղերձը՝ «Հատկանշական է այցելել այս կենտրոն այսօր, Կանանց Միջազգային օրվան ընդառաջ, քանի որ այն ոգեգեշնչող օրինակ է նախաձեռնություն ունեցող եւ խոչընդոտները հաղթահարող կանանց, ովքեր ստեղծել են մի կազմակերպություն, որն օգնում է այլ կանանց: Կենտրոնի կողմից մատուցվող այնպիսի ծառայություններ, ինչպիսիք են կրծքագեղձի և արգանդի քաղցկեղի համար սկրինինգը և գինեկոլոգիական ծառայությունները, կյանքեր են փրկում։ Եվ շնորհիվ այս կազմակերպության հիմնադիրների եւ աշխատակիցների աշխատանքի, օրեցօր ավելի մեծ թվով հայ կանայք են այցելում հերթական ստուգումների եւ ստանում գիտելիքներ՝ իրենց առողջությանը վերաբերող հարցերում առավել տեղեկացված լինելու և գրագետ որոշումներ կայացնելու համար»։
Հետևեք մեզ Viber-ում
