Ռուսական կողմն ասել է, եթե պետք է ստորագրեք. Սերժ Սարգսյան
Բրյուսել կատարած այցի ընթացքում ՀՀ Նախագահ Սերժ Սարգսյանը հարցազրույց է տվել Euronews-ին: – Պարո՛ն նախագահ, շնորհակալություն Բրյուսելում Euronews-ին հանդիպելու համար ԵՄ-ի հետ շրջանակային համաձայնագրի շուրջ բանակցություններից հետո: Արդյոք դա քայլ առաջ է կամ հետ Ասոցացման համաձայնագրից, որը Հայաստանը չստորագրեց 2013թ-ին: -Ինչ վերաբերում է տնտեսական մասին, մենք ուղղակի պետք է այնպես անեինք, որպեսզի այս փաստաթղթով մենք հիմքեր չստեղծեինք, որպեսզի խախտեինք մեր մյուս պարտավորվածությունները: –Սակայն Ռուսաստան դեմ դուրս եկավ Ասոցացման համաձայնագրերին Հայաստանի, Ուկրաինայի հետ: Արդյո՞ք Դուք ստիպված եք թուլացնել փաստաթուղթը, որպեսզի այն Ռուսաստանի համար ընդունելի լիներ: -Մենք խոսում էինք «և՛, և՛»-ի մասին, այսինքն` և՛ Ասոցացման համաձայնագիր, և՛ Եվրասիական տնտեսական միության անդամ: Ռուսական կողմը մեզ երբեք չի ասել: Ռուսական կողմը մեզ երբեք չի ասել մի գնացեք ստորագրելու: Ռուսական կողմն ասել է, եթե պետք է ստորագրեք, եթե Եվրասիական տնտեսական միության անդամ չպետք է լինեք, ապա Դուք պարտավոր պետք է լինեք օրինակ` էներգակիրները գնել միջազգային գներով: –Արդյոք Դուք դիտարկու՞մ եք Եվրասիական տնտեսական միությունը, որպես Եմ-ին համարժեք` հաշվի առնելով այն խնդիրները, որոնք Ռուսաստանն ունի: -Գիտեք համարժեքության մասին խոսելը կարծում եմ դեռևս վաղ է: Կարծում եմ հիմա ճիշտ է խոսել այդ երկու համակարգերի համագործակցության մասին: Մենք մեր օրինակով ցույց ենք տալիս, որ այդ համագործակցությունը հնարավոր: – Դուք ի՞նչ կարող եք առաջարկել ԵՄ-ին: Իհարկե, ֆուտբոլիստները, ինչպես Մխիթարյանը, լավ արտահանում են, սակայն, այլ ի՞նչ: – Գիտեք մենք ունենք բազմաթիվ հայտնի մարդիկ` Մխիթարյան ունենք, մենք ունենք Լևոն Արոնյան, ունենք օլիմպիական չեմպիոններ, բայց կարծում եմ, որ Եվրամիությանը կարող ենք օգտակար լինել նաև ապրանքներ արտահանելով, բայց ոչ միայն: Այսօր Հայաստանում բուռն կերպով զարգանում են տեղեկատվական տեխնոլոգիաները, բայց ամենակարևորը մենք կարող ենք եվրոպացիների համար լինել վստահելի հարևան: –Հայաստանը հենվում է Ռուսաստանի վրա անվտանգության առումով: Արդյոք Դուք փնտրու՞մ եք այլընտրանքներ, օրինակ` ՆԱՏՕ-ն: -Գիտեք, ես երեկ հանդիպել եմ ՆԱՏՕ-ի գլխավոր քարտուղարի հետ: Ես նրան հրավիրել եմ Հայաստանը, որպեսզի մենք միասին կարողանանք ի մի բերե լայն աշխատանքը, որ կատարել ենք այս 25 տարիների ընթացքում: Այնպես որ՝ այս համագործակցությունը երբեք չի խոչընդոտում ՀԱՊԿ-ում մեր համագործակցությանը Ռուսաստանի հետ: –Ապրիլյան ընտրություններում ՀՀԿ ցուցակում չկա Սերժ Սարգսյանի անունը: Արդյոք դա նշանակում է, որ դուք հեռանու՞մ եք քաղաքականությունից: -Դա նշանակում է, որ մենք հաշվի ենք առնում մեր ընդդիմության անհանգստությունը, որ խորհրդարանական ընտրություններում մենք կօգտագործենք իշխանական ռեսուրսներ: Դա նշանակում է, որ մենք հնարավորություն ենք տալիս երիտասարդներին դրսևորվելու: –Ու՞ր եք տանում ներկայիս նախագահական համակարգ ունեցող Հայաստանը: Ինչ է այն դառնալու: -Բոլոր հայերի համար ցանկալի երկիր: Իմ խորին համոզմամբ խորհրդարանական համակարգը հնարավորություն է տալիս ավելի արդյունավետ կառավարման: Եվ սա հնարավորություն է տալիս քաղաքացիներին, և ընդհանրապես քաղաքացիական հասարակությանն ավելի ակտիվ մասնակցել երկրի առջև ծառացած խնդիրների լուծմանը: Դա ենք ցանկանում, որպեսզի մեր քաղաքացիներն ավելի քիչ դժգոհեն, քան ուրիշները:
Հետևեք մեզ Viber-ում
