«Փուլային լուծումը համարում եմ անցյալի հուշեր». Խաչատուր Քոքոբելյան
«Ազատ դեմոկրատներ» կուսակցության նախագահ, նախընտրական ցուցակը գլխավորող Խաչատուր Քոքոբելյանը Հայելի ակումբում լրագրողների հետ հանդիպմանը խոսեց ԼՂ հիմնախնդր մասին և ասաց.«Լեռնային Ղարաբաղի հիմնախնդիրը լուծել առանց քաղաքակիրթ աշխարհի՝ ուղղակի անհնարին է:Հայաստանի հիմնական խնդիրների լուծումը չի գտնվում Մոսկվայում, բայց չի ասում՝ այդ խնդիրների լուծումը գտնվում է Բրյուսելում կամ մեկ այլ մայրաքաղաքում: Այդ բոլոր խնդիրների լուծումը նախ՝ գտնվում է Երևանում և քաղաքակիրթ աշխարհում»: «Մենք, գտնում ենք, որ այդ խնդիրը հնարավոր է միայն լուծել փաթեթայինով, փուլային լուծումը, որ առաջարկում են մեր գործընկերները, ուղղակի համարում եմ անցյալի հուշեր, որովհետև Ղրիմի ամբողջ գործընթացը ցույց տվեց, որ դու չես կարող, երաշխավորներ ունենալով և ունենալով այնպիսի թշնամի, որ ցանկացած գործողության ունակ է, գնաս ու պայմանավորվես փուլային լուծման»,- նշեց Խ. Քոքոբելյանը: «Խոսել Լեռնային Ղարաբաղի հիմնախնդրի փուլային լուծման մասին, դա ոչ ավել, ոչ պակաս, նշանակում է՝ մեր հայրենակիցների ճակատագիրը թողնել այլոց քմահաճույքին: Պետք է խնդիրը լուծվի փաթեթային տարբերակով, ԼՂՀ-ին վերադարձնել՝ որպես լիիրավ բանակցային կողմ, և միջազգային հանրությունը ժամ առաջ պետք է ճանաչի Արցախի անկախությունը»,ասաց նա:
Հետևեք մեզ Viber-ում
