Ն.Զոհրաբյանի հորդորը և կոչը իրենց ամենակարող և բեսպրեդել համարող որոշ թեկնածուներին

«Մասիսում տեղի ունեցած միջադեպը միանշանակ քաղաքական ենթատեքստ ունի:  Այստեղ թաքցնելու որևէ բան չկա, Սայաթ Նովայի մեր պատասխանատուներից մեկին Մասիսի հանրապետական պատգամավորի նախընտրական շտաբի հանրապետական ակտիվիստը դանակահարակել է: Նա  բավականին լուրջ վնասվածք էր ստացել, 4 տեղից ծակող լուրջ վնասվածք էր ստացել, երեկ տևական ժամանակ Էրեբունի կլինիկայում վիրահատել են, փասռք Աստծո, այսօր առավոտյան վիճակը կայունացել է Մենք քանիցս զգուշացրել ենք, ռեյտինգային այս ընտրակարգն իր մեջ լրջագույն ռիսկեր է պարունակում ընտրապայքարը քաղաքական դաշտից գլադիատորների, ցլամարտի դաշտ տեղափոխելու»,- ԱԺ-ում լրագրողների հետ զրույցում հայտարարեց ԲՀԿ խմբակցության ղեկավար Նաիրա Զոհրաբյանը: «Հորդորս և կոչս իրենց ամենակարող և բեսպրեդել համարող որոշ թեկնածուների, դուք լավություն չեք անում անգամ ձեր կուսակցությանը, որովհետև այս ամենն արձանագրվում է ոչ միայն մեր հանրության, այլև դիտորդական առաքելությունների կառույցների կողմից և դրանով դուք ուղղակիորեն ստվերում եք ձեր իսկ կուսակցության շատ պայծառ հայտարարությունները անբիծ ազատ և արդար ընտրությունների մասին: Ապրիլի 2-ով կյանքը չի ավարտվելու: Շատ մեծ է վտանգն այս ռեյտինգային համակարգի դեպքում ընտրապայքարը քաղաքական դաշտից տեղափոխել գլադիատորական, ցլամարտի դաշտ», ասաց նա: Մեր  անելիքն ընտրական պրոցեսում դաշինքի ծրագիրը ներկայացնելն է:Ամենահեշտ տարբերակը դանակին դանակով պատասխանելն է, բումերանգի էֆեկտը որևէ մեկը դեռևս չեղյալ չի հայտարարել, բայց այն քաղաքական ուժերը, որ մտածում են երկրի վարկանիշի մասին, պետք է սթափվեն, այլ տարբերակ չկա,հավելեց տիկին Զոհրաբյանը: