«Ոչ մի միջադեպի վրա աչք չենք փակելու». Էդուարդ Շարմազանով
Մասիսում դանակահարության դեպքով իրավապահները պետք է զբաղվեն, Աժ-ում լրագրողների հետ զրույցում ասաց ԱԺ փոխնախագահ Էդուարդ Շարմազանովը: Հարցին, թե ԲՀԿ-կան Նաիրա Զոհրաբյանը պնդում է, որ քաղաքական ենթատեքստ է եղել, Շարմազանովը հակադարձեց. «Պնդելու փոխարեն լավ կանի նա դիմի իրավապահ մարմիններին:Եթե կա հանցագործության խնդիր, օրենքի խախտում, բնականաբար, անկախ թե ում կողմնակիցներն են արել և ունի քաղաքական դրդապատճառ, թե ոչ, պետք է պատժվեն: Բոլոր նրանք, ովքեր կփորձեն նախընտրական պայքարի ընթացքում և ոչ միայն նախընտրական պայքարի, քաղաքական պայքարը վերածել բռունցքների պաքարի, խստագույնս պատժվելու են օրենքի ողջ խստությամբ: Եթե կփորձեն ապատեղեկատվություն տարածեն` ևս: Մենք` որպես քաղաքական իշխանություն, փորձելու ենք ամեն ինչ անել, որպեսզի այս ընտրությունները լինեն օրինականության սահմաններում: Մնացյալը իրավաահների, լրատվամիջոցների խնդիրն է, որ վերհանեք և չկա որևէ հաղորդման փաստ, որ իրավապահ մարմինները չարձագանքեն»,- ասաց Շարմազանովը: Թե ինչո՞ւ է բոլոր միջադեպերում Հանրապետականը մասնակից կողմ լինում, Շարմազանովը պատասխանեց, որ 1998 թ-ից այս կողմ գլխավոր դերում Հանրապետականն է. «Բնականաբար, իշխանությունը պետք է լինի գլխավոր դերում:Մենք ամեն ինչ անելու ենք, որպեսզի այդ միջադեպերը պատժվեն և ամեն ինչ գնա օրինականության սահմաններով: ՀՀԿ-ն դատապարտում է նման քայլերը և բոլոր անօրինական երևույթները և ՀՀԿ ոչ մի միջադեպի վրա աչք չի փակելու: Աստված մի արասցե, որ մեն ապրենք մի երկրում, որտեղ գործի ոչ թե օրենքը, այլ ականջ քաշելը: Կան իրավապահներ, իսկ ականջ քաշում է հայրիկը երեխայի»:
Հետևեք մեզ Viber-ում
