Այս 14 մլրդի տեղը ինչ-որ բան են ուզելու. Արամ Մանուկյանը՝ վարչապետին
ՀԱԿ խմբակցության քարտուղար Արամ Մանուկյանն այսօր հարց ուղղելով վարչապետ Կարեն Կարապետյանին, նշեց. «Ամենից շատ ես եմ գազի մասին հարցրել: Վստահ եմ, որ հաջորդ ԱԺ-ում էլ եմ լինելու, եւ գազի հարցը ինձ համար սկզբունքային հարց է»: Նա նշեց, որ վարչապետն անցած տարի նոյեմբերին ներկայացրել է, որ հունվարի 1-ից 7 դրամով իջնելու է գազի սակագինը` գազի սպառման ավելացման և Վրաստանի տրանզիտի գնի իջեցման արդյունքում: Սակայն 2015թ-ին Ռուսաստանից Հայաստանը ստացել է 2 մլրդ խմ գազ, 2016-ին` 1.8 մլրդ խմ, այսինքն` սպառումը` 6.8% նվազել է: Նա հետաքրքրվեց, թե Վրաստանից տրանզիտի վճարը` կեսը գազով, կեսը` գումարով, ընդհանուր գումարային առումով քչացե՞լ է, թե՞ ոչ, նաև «Գազպրոմը» հայտարարել է, որ իր ֆինանսական վիճակն էլ այն չէ, նույնիսկ ճգնաժամային են համարում, այդ դեպքում ինչպե՞ս է «Գազպրոմն» իր վրա վերցնելու գազի սակագնի նվազեցման մասը` մոտ 14 մլրդ: Ի պատասխան Վարչապետը ներկայացրեց Վրաստանի հետ պայմանագրի պայմանները` առաջին 1 մլրդը վերցնում են 10% գազով, հաջորդ քանակը վճարվում է դոլարով, որը 10%-ից ցածր է: Արամ Մանուկյանն էլ նշեց, որ 1 մլրդը կազմում է մեր սպառման գազի մոտ 60%-ը: Ա.Մանուկյանը նախազգուշացրեց, որ քանի որ «Գազպրոմը» ծանր վիճակում է, այս 14 մլրդի տեղը ինչ-որ բան ուզելու է:
Հետևեք մեզ Viber-ում
