Ովքեր են մարտի 1-ի մեղավորները

«ԵԼՔ» դաշինքի առաջին եռյակը ներկայացնող Արամ Սարգսյանը, Նիկոլ Փաշինյանը եւ Էդմոն Մարուքյանը քայլերթ իրականացրին դեպի Մյասնիկյանի արձան՝ հարգանքի տուրք մատուցելու 2008 թ․-ի մարտի 1-ի զոհերի հիշատակին։ Նիկոլ Փաշինյանը լրագրողների հետ զրույցում ասաց, որ «Մարտի 1»-ի սպանությունները մնում են չբացահայտված. «Տեղի ունեցածի մեղավորները երկուսն են՝ այն ժամանակ նախագահ Ռոբերտ Քոչարյանը եւ վարչապետ Սերժ Սարգսյանը… ամենավատ մղձավանջում անգամ դժվար է հավատալ, որ իշխանությունները սեփական ժողովրդի դեմ մարտական զենք ու փամփուշտներ կօգտագործեին, բայց դա տեղի է ունեցել, մինչդեռ պետք է բացառվեր:Քննությունը ցույց տվեց, որ Ազատության հրապարակում ցուցարարների մոտ ոչ մի զենք չի եղել»: «Հանրապետություն» կուսակցության նախագահ Արամ Սարգսյանը լրագրողների հետ զրուցում ասաց, որ 9 կուսակցություններից 8-ը հաստատում է, որ այս իշխանության պարագայում ոչ մարտի 1-ը, որ հոկտեմբերի 27-ը չի բացահայտվի։ «Գործը բացահայտելու համար պետք է ունենալ արդար դատական քննչական համակարգ, որն ազնիվ եւ արդար կերպով կզբաղվի այս գործով»։