Այս ձեւի անխղճությո՞ւն՝ յոթ կիլո օրենքի նախագիծ.Արամ Մանուկյան
ՀԱԿ խմբակցության քարտուղար Արամ Մանուկյանը նախ նշեց. «Այս ձեւի անխղճությո՞ւն՝ յոթ կիլո օրենքի նախագիծ. չենք հասցնում թերթել, արդյունքում՝ նախագծի ընկալման որակն ընկնում է՝ քվեարկում ենք ու չգիտենք՝ ինչ ենք քվեարկում», «Բնության հատուկ պահպանման տարածքների մասին» օրենքի փոփոխությունների նախագծի քննարկման ժամանակ,որը ներկայացնում էր Բնապահպանության փոխնախարար Սիմոն Պապյանը,ասաց ՀԱԿ պատգամավոր Արամ Մանուկյանը: «Դրա համար պետք է ներկա լինել ու քննարկել: Ընդդիմադիր կողմը պետք է օրենքների հետ կապված առաջարկներ անի»,արձագանքեց ԱԺ նախագահը: «Նայեք դահլիճին՝ ինչքան մարդ կա: Դա ձեր պատասխանատվությունն է»,- պատասխանեց Արամ Մանուկյանն՝ ավելացնելով. «Ժամանակին քննարկվում էր արգելոցներում կենդանինների՝ բուծման, ապա՝ թույլատրելի որսի կազմակերպման մասին: Մանրամասն չեմ կարդացել նախագիծը, ձեզ զուտ վստահելով՝ կարո՞ղ եք հավաստիացնել, որ խստացված են ընդհանուր մոտեցումները, որ ավելի պաշտպանված լինեն հատուկ տարածքները, թե՞ զուտ ձեւակերպումներ են»: Սուրեն Պապյանը նշեց, որ օրենքի այս փոփոխությունները 2013թ. գտնվում են ԱԺ-ում:
Հետևեք մեզ Viber-ում
