Անահիտ Բախշյանին շտաբի համար տարածք չեն տրամադրում
«Հայելի» ակումբում լրագրողների հետ հանդիպմանը ՀՀ ԱԺ նախկին պատգամավոր, «Ազատ դեմոկրատների» ռեյտինգային ցուցակով Մալաթիա, Շենգավիթ համայնքներում պատգամավորության թեկնածու առաջադրված Անահիտ Բախշյանը ահազանգեց, որ չի կարողանում Մալաթիա-Սեբաստիայում տարածք գտնել շտաբի համար: «Մեկը հարցրեց՝ ովքե՞ր են այդ «Ազատ դեմոկրատները», ասացի ընդդիմություն, ասաց՝ ես ՀՀԿ-ական եմ, երկու պարանի վրա չեմ խաղում, պարզաբանեց, թե ապարանցի է, խոսք է տվել, չի տա: Մյուսն էլ ասաց՝ հագուստի խանութ եմ բացում»,- տեղեկացրեց նա: Այնուհետև, դիմելով ընտրողներին՝ հորդորեց լինել ուշադիր և ճիշտ ընտրություն անել: «Եթե այս ընտրություններին հասարակությունն էլի ՀՀԿ-ին ձայն տա ու էլի այդ ուժը մեծամասնություն լինի ու կոնկրետ պատգամավորներով մտնի խորհրդարան, ապա ժողովուրդ, մենք մեր ցամաք հացն այսօրվանից սկսենք ուտել»:
Հետևեք մեզ Viber-ում
