Միքայել Մելքումյանը կրկին վիրավորեց իրենց քննարդատողներին
ԲՀԿ-ական պատգամավոր, «Ծառուկյան» դաշինքի թեկնածու Միքայել Մելքումյանն անդրադառնալով Կուտակային կենսաթոշակների մասին ՀՀ օրենքում փոփոխություններ եւ լրացումներ կատարելու մասին նախագծին ասաց. «Որոշ պսեւդո-գործիչներ, որոշ անձինք որոշակի տգեղ գնահատականներ են տալիս ԲՀԿ-ի որոշ քվեարկությունների ՝ կապված կուտակային կենսաթոշակային համակարգի հետ: Այդ տգետների համար ուզում եմ, որ ականջներով լսեն եւ հասկանան ինչի մասին է խոսքը:Մենք կողմ ենք քվեարկել՝ բացառությամբ պարտադիր կուտակային վճարներին, մենք կողմ ենք քվեարկել կամավոր ինստիտուտին, կամավոր բաղադրիչին»: «2013-ին ԲՀԿ-ն ակտիվորեն մասնակցել է Սահմանադրական դատարան դիմելու գործընթացին:Հենց Սահմանադրական դատարանում ներկայացվել են մեր բոլոր մտահոգությունները եւ հարցադրումները, որոնք միտված են եղել նրան, որ այս համակարգի կիրառությունը մենք համարել ենք ժամանակավրեպ»,ասաց Միքայել Մելքումյանը և վստահեցրեց, որ իրենք դեմ են եղել, որ այս փուլում սա իրականացվի. «Եթե ինչ-որ մարդիկ ուզում են դիվիդենդներ շահեն, որ նսեմացնեն այն սկզբունքային դիրքորոշումը, որ մեր խմբակցությունն ունեցել է այդ տարիներին, մենք միանշանակ մերժում ենք»:
Հետևեք մեզ Viber-ում
