Կապանում սպասվում է հետցնցում. մարդիկ դեռ տուն չեն մտնում .araratnews.am
Ինչպես արդեն տեղեկացրել էինք, այսօր` ժամը 10:17-ին, ՀՀ ԱԻՆ սեյսմիկ պաշտպանության ծառայության սեյսմոլոգիական ցանցի կողմից գրանցվել է հյուսիսային լայնության 39.240 և արևելյան երկայնության 46.380 աշխարհագրական կոորդինատներով (Հայաստան, Կապան քաղաքից 5 կմ հյուսիս-արևմուտք), օջախի 10 կմ խորությամբ, 3.9 մագնիտուդով երկրաշարժ:
Araratnews.am-ի հետ զրույցում Կապանի բնակիչներից մեկը պատմեց, որ ուժեղ ձայն են լսել ու անմիջապես դուրս եկել տնից. «Պայթյունի նման ձայն լսվեց, դուրս եկանք, տեսանք, որ բակում արդեն շենքի մյուս մարդիկ են հավաքված: Միայն հասցրել ենք մեր անձնագրերը վերցնել, մյուսներն էլ արագ գնացին, որ մանկապարտեզներից ու դպրոցներից երեխաներին բերեն: Ասում են, որ դպրոցներից մեկի պատերն էլ ճաքել են: Հիմա դրսում սպասում ենք, տեսնենք` ինչ կլինի: Մեզ ասացին, որ դրսում սպասենք, հետցնցում պետք է լինի»:
Հետևեք մեզ Viber-ում
